Boltxebike
Boltxebike[1] (большевик errusieraz; «gehiengoaren kidea») Errusiako Langile Alderdi Sozialdemokratako fakzioetako bat zen, Vladimir Leninek gidatutakoa. Beste fakzioa Julius Martoven mentxebikeak ziren.
Boltxebikeek, Leninen tesiei jarraiki (geroago leninismo deituko zena), alderdi komunista itxi, profesionalizatu, homogeneo eta antolakuntza gaitasun handikoa biltzen zuten: langile-mugimenduaren abangoardia izango zen eta iraultzaile profesionalez osaturik egongo zen alderdia (mentxebikeek alderdiaren oinarriekiko irekitasuna hobesten zuten bitartean).
Alderdiaren baitako zatiketa bere II. Kongresuan jazo zen, Londresen 1903an. Leninek alderdiaren antolakuntza ikuspegi berezkoa garatu nahi izan zuen, nahiz eta alderdiaren gehiengoa Mertoven alde egon. Hala ere, Mertoven tesiak gutxiengoa izan ziren Zuzendaritza Komitean (hortik dator mentxebike izena: «gutxiengoa»).
1905eko Iraultza eta gero, boltxebikeek euren jarrera gogortu eta borroka armatuaren aldeko apostua egin zuten; eta mentxebikeekiko behin betiko banaketa 1912an gertatu zen.
1917ko Errusiako Iraultzaren —Urriko Iraultza— garaipenaren ostean, boltxebikeek Sobietar Batasuneko Alderdi Komunista izena hartu zuten. Hala ere, 1952ra arte itxaron beharko da boltxebike erreferentzia izenetik kentzeko, Sobietar Batasuneko Alderdi Komunistaren sorrerarekin.
Erreferentziak
Ikus, gainera
 |
Wikimedia Commonsen badira fitxategi gehiago, gai hau dutenak: Boltxebike  |