Bonnie eta Clyde

Wikipedia(e)tik
Hona jo: nabigazioa, Bilatu
Bonnie eta Clyde.

Bonnie Elizabeth Parker (1910ko urriaren 1a, Rowena, Texas1934ko maiatzaren 23a, Bienville Parish, Lousiana) eta Clyde Chestnut Barrow (1909ko martxoaren 24a, Ellis County1934ko maiatzaren 23a, Bienville Parish, Louisiana) Depresio Handiaren garaiko estatubatuar gaizkile eta lapur batzuk izan ziren. Bonnie eta Clyde bikoteak garaiko estatubatuar hedabideen harreta bereganatu zuten eta 1931-1934 bitartean "etsai publikotzat" joak izan ziren. Nahiz eta haien lapur taldea bakuen lapurretengatik ezaguna egin izan, Clyde Barrowek maila apalagoko denda txiki eta gasolindegien lapurretak burutzea gogokoagoa izan zuen.

Nahiz eta hiritarrek Bonnie taldeko burutzat hartu izan, gaur egun Bonnie Parkerren errola ikerketua eta eztabaidatua dago. Talde hartako W.D. Jones eta Ralph Fults kideen testigantzaren arabera, behin ere ez zuten Bonnie pistola bat hartzen ikusi eta bere errola gai logistikoetara mugatzen omen zen.[1] Jonesen hitzetan: "Bonniek ez zuen inoiz armarik hartu, tiroketa handietatik kanpo mantendu zen." Phillip Steelek burututako The Family Story of Bonnie and Clyde artikuluan Clyde familiako arreba gazteena zen Marie Barrow-ek ziurtatzen zuenez "Bonniek ez zuen inoiz tiro bakar bat ere eman. Bere anaia jarraitu zuen, edonora zihoala ere."[2] Playboy aldizkariko elkarrizketa honetan, W.D. Jones-ek Bonnieri buruz hau aipatu zuen: "Nik dakidanez, Bonniek ez zuen inoiz armarik eskuan eduki. Beharbada autoan baten bat gordeta eramatea beharrezkoa izango zuen. Baina tiroketa handietan zehar, nik ez nian inoiz arma batekin ikusi".[3]

"Bonnie and Clyde: Romeo and Juliet in a Getaway Car" artikuluan, Joseph Geringer idazleak zioenez, garaiko estatubatuar gizartearen zati handi batek Bonnie eta Clyde bikotea ongi ikusia zuen, edota haienganako nolabaiteko begikotasuna zuen, bikotea Robin Hood garaikide batzuekin parekatuz, gainera haien heriotz tragikoak kondaira mailara aupatu zituen.

Zinema[aldatu | aldatu iturburu kodea]

1967an Arthur Penn estatubatuar zinema zuzendariak bikote honetan oinarritutako Bonnie and Clyde filma burutu zuen, Bonnie eta Clyde bikotea hurrenez-hurren Faye Dunaway eta Warren Beatty aktoreek antzeztu zituztelarik.

Iruditegia[aldatu | aldatu iturburu kodea]

Erreferentziak[aldatu | aldatu iturburu kodea]

  1. Phillips, John. Running with Bonnie and Clyde: The Ten Fast Years of Ralph Fults
  2. Barrow, Marie. The Family Story of Bonnie and Clyde
  3. Riding with Bonnie and Clyde by W.D. Jones (Ingelesez)

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Bonnie eta Clyde Aldatu lotura Wikidatan