Boo Ahaltsua

Wikipedia, Entziklopedia askea
Orri honetako testu zati batzuk japoniar idazkerarekin idatzita daude.
Euskarri eleaniztun egokirik gabe, galdera
ikurrak ikusiko dituzu kanji edo kana karaktereen ordez.
Boo Ahaltsua
魔人ブウ edo Majin Bū
Jatorria Mangan
Garrantzia Etsaia
Teknikak
Boo Ahaltsu ona
Boo Ahaltsu gaiztoa
Boo purua
Ahotsa Japonia Kōzō Shioya
Euskal Herria

Boo Ahaltsua (jatorrizko japonieraz 魔人ブウ edo Majin Bū ?) Dragoi Bola manga eta Dragoi Bola Z eta Dragoi Bola GT animeetako fikziozko pertsonaia da. Mangan Z gerlarien azken etsaia da. Arrosa kolorekoa, gizakiak xurgatuz itxura aldatu eta indartsuago egiteko ahalmena dauka. Gainera, bere etsaien erasoak imitatzeko gai da behin ikustearekin bakarrik.

Biografia[aldatu | aldatu iturburu kodea]

Oharra: Atal honek istorio osoa edo amaiera argitzen du.

Munstro hau Bibidik sortu zuen Dragoi Bolaren kronologian 0. urtea baino 5 milioi urte lehenago. Ehunka planeta desegin zituen, baina Bibidik berak ere ezin zuenez kontrolatu, bola baten barruan sartzen zuen bidaiatu ahal izateko. Iparraldeko eta mendebaldeko Kaio Shinak akabatu zituen eta, hegoaldekoa eta Dai Kaio Shin xurgatu zituen. Azken hau xurgatzean onbera bilakatu zen, baina erraz manipulatzeko modukoa. Ekialdeko Kaio Shinek Bibidi akabatu zuen eta Boo esferan harrapatuta geratu zen.

Lurrean esnatzea[aldatu | aldatu iturburu kodea]

774. urtean, Super Saiya 2 bilakatutako Goku, Son Gohan eta Vegetaren energiari esker Babidik Boo berpiztu zuen. Vegeta erabili zuen bere indar ezkutua atera ziezaion, nahiz eta honek bere burua har zezan utzi zuen nahita, Son Gokuren aurka borrokatzeko. Honela sortu zen Majin Vegeta. Son Goku eta Vegeta borrokan zebiltzan bitartean Book konorte gabe eta ia hilzorian uzten ditu Gohan eta Kaio Shin. Booren indarra ikusita, Vegetank Son Goku konorte gabe utzi eta munstroaren aurka borrotzera joan zen. Nahiz eta Vegetak indarrez Boo gainditzen zuen, hau berregin egiten zen. Vegetak bere buruaz beste egitea erabaki zuen Boo txikitzeko, baina ez zuen lortu.

Z gerlariak euren familiekin Ahalguztidunaren Jauregian elkartu ziren eta telepatia bidez Babidiren mezu bat iritsi zitzaien: Satan Txiki, Son Goten eta Trunks aurkitu nahi zituen, hauek Kaio Shin hiltzea eragotzi baitzioten Boori Vegeta iritsi aurretik. Behartzeko Book indar erakustaldi bat egin zuen: hiri bateko hiritar guztiak gozoki bihurtu eta hiria desegin aurretik jan egin zituen.

Vegeta hilda zegoenez eta Gohan desagertuta zegoenez, Gokuk Son Goteni eta Trunksi bateraketa teknika erakustea erabaki zuen, berari ordu gutxi batzuk baino ez baitzitzaizkion geratzen Lurreko bisita amaitzeko.

Denbora irabazteko, Gokuk Super Saiya 3ren indarra erakutsi zion Boori eta bera baino norbait indartsuago zen baten aurka borrokatzea nahi bazuen bi egun itxaron zitzala eskatu zion. Babidik Goku akabatzeko agindu zion, baina nazkatuta Babidi akabatu zuen.

Bi Boo Ahaltsuak[aldatu | aldatu iturburu kodea]

Askea zenez, hainbat hiri desegiteari ekin zion dibertitzeko. Gizakiak karamelu edo buztin bilakatzen zituen eta honekin bere etxea eraiki zuen. Lurreko armadak ezin izan zuenez ezer egin bere aurka, Satan Jauna bidaltzea erabaki zuten. Honek pozoitutako bonboiak eta Game Poy bonba bat eman zizkion baina ez zioten ezer egin. Are gehiago, Satan bere morroi gisa hartu zuen. Denbora horretan Book txakur bat sendatu zuen eta Bee izena jarri zion. Satanek jendea hiltzea gaizki zegoela konbentzitu zuen, baina bidelapur talde batek Satan eta Bee tirokatu zituzten eta amorratuta Boo bitan banatzea eragin zuten. Bigarren zatia argalagoa zen eta kolore ilunagoa zuen, eta gainera benetan gaiztoa zen. Biak borrokan hasi ziren eta alde gaiztoak alde ona jan zuen eta eraldaketa jasan zuen. Horren argala izateari utzi zuen, eta kolore arrosa berriz ere

Munstroak ez zuen txakurra eta Satan eraso nahi izan, baina bidelapurren aurka egin zuen. Book etsaien eraso eta teknikak erraz ikasten zituenez pertsonen indarra atzematen ere ikasi zuen. Berehala abiatu zen Ahalguztidunaren Jauregira, Gokuk aipatutako gerlari indartsu hura han baitzegoen; hau Gotrunks zen (Son Goten eta Trunksen bateraketa). Hauek Denbora eta Espazioaren gelan entrenatzen ari zirela Book bere eraso indartsuena jaurti zuen eta Lurrean zeuden guztiak hil zituen Satan eta Bee izan ezik. Ten Shin Han eta Chaozek erasoa saihestea lortu zuten. Ondoren Satan Txikik Boo gelan sartu zedin konbentzitu zuen. Gotrunksek galtzeko guztiak zituenean Satan Txikik gelako atea txikitu zuen Gotrunks eta Boo barruan harrapatuta gelditu zirelarik. Zoritxarrez Book dimentsio arteko ate bat ireki, gelatik atera eta bertan zeuden guztiak jan zituen Dende ezik. Satan Txiki eta Gotrunks ere berehala atera ziren gelatik.

Gotrunksek ia lortu zuen Boo akabatzea Super Saiya 3 bilakatuta, baina zoritxarrez denbora amaitu zitzaien. Hala ere zortea izan zuten eta Son Gohan iritsi zen. Honek izugarrizko egurra eman zion Boori. Honek ihes egin eta plan bat pentsatu zuen: txikiak bateratu zitezen konbentzitu eta irentsi egin zituen Satan Txikirekin batera. Dendek behin baino gehiagotan sendatu zituen Gohanen zauriak baina ez zuen askorako balio izan: bat-batean Goku iritsi zen berpiztuta Kaio Shin Agureari esker. Boo Kienzan baten bidez ebaki zuen. Gokuk Son Gohanekin fusionatzea nahi zuen Potala belarritakoen bidez, baina bat-batean Book indar pila bat galdu zuen Gotrunksen bateraketa denbora amaitu baitzen. Boo honetaz ohartuta Son Gohan irentsi zuen.

Azken Borroka[aldatu | aldatu iturburu kodea]

Zorionez Yamak Babari Vegeta Lurrera eramateko agindu zion, Booren aurka borrokatzeko. Gokurekin fusionatu eta Vegeku osatu zuten eta Boori izugarrizko egurra eman zion. Hala ere azkenean Book Vegeku irentsi egin zuen, baina Vegekuk babesa sortu zuen, Boorengandik xurgatua ez izateko. Barruan zegoela babesa kendu eta banatu egin zen. Gokuk eta Vegetak barruan harrapatuta zeuden lagunak askatzea lortu zuten. Boo ona ere askatu zuten eta honek aldaketa ikaragarriak eragin zituen bere gorputzean eta azkenik haur baten tamaina hartu zuen. Handik irtetzea lortu zutenean jatorrizko Boo ikusi zuten, Bibidik sortu zuena, bere berezko teknikekin.

Honek Lurra desegin zuen, eta Vegetak eta Gokuk Kibito eta Satan Jauna baino ezin izan zituzten heldu Kato Shin planetara eraman aurretik. Boo hara iragan eta Goku Super Saiya 3ren aurka hasi zen borrokan. Borroka parekatua izan zen baina Goku gero eta nekatuago zegoen. Vegeta sartu zen borrokan Gokuk Boo akabatzeko beste indar batzen zuen artean. Goku, hala ere, bizirik zegoenez, eraldaketa honek asko nekatzen zuen eta era normalera itzuli zen. Book Vegeta Super Saiya 2 garaitu zuen. Satanek ametsetan zegoela uste zuenez erronka bota zion Boori. Segundu batera barkamena eskatu zion, baina Book ezin zuen Satan eraso, oraindik barruan zuen Boo lodia bota zuen arte. Orduan, Boo lodia jatorrizko Booren aurka hasi zen borrokan, baina erraz garaitua izan zen.

Vegetak plan bat burutu zuen: Kaio Shin Agurea eta Dende Namek planetara joan eta Polunga deitu behar zuten 2 desio eskatzeko: Lurra berregiteko eta Babidi iritsi zenetik oso gaiztoak ez ziren beste hildako guztiak berpizteko. Honela Gokuk Indar Unibertsalaren erasoa prestatu ahal izango zuen gizakiek boluntarioki indarra emanda. Kaio Shinen bidez Vegeta lurtar guztiekin komunikatu zen baina bere lagunak baino ezin izan zituen kobentzitu; Gokuk ez zuen askoz laguntza gehiago jaso. Baina Satanek lortu zuen denak konbentzitzea. Gokuk energia biltzen zuen bitartean, Vegeta berriz ere Booren aurka hasi zen nahiz eta ezin izan zen Super Saiya bilakatu, ez baitzuen nahikoa indar. Izugarrizko egurra eman zion Book baina denbora irabazi zuen eta Gokuk Indar Bola osatu ahal izan zuen.

Gokuk hala ere ez zuen Indar Bola botatzeko beste indar eta 3. guraria Gokuk indarra berreskura zezala izan zen. Honela Super Saiya bilakatu eta, Lurreko eta Beste Munduko izaki guztien energiaz eginiko bola jaurti eta Boo akabatu ahal izan zuen.

Borroka eta gero[aldatu | aldatu iturburu kodea]

Boo ona (Mr. Boo izena hartu zuena), sendatu eta 6 hilabetera Shenron deitu eta gizateriak Boorekin gertatua ahaz zezan eskatu zuten. Ordutik Satan Jaunaren etxean bizi izan zen eta Arte Martzialen Txapelketetara aurkezten zen. Denak garaitzen zituen baina Satani irabazten uzten zion.

Dragoi Bola GT[aldatu | aldatu iturburu kodea]

Dragoi Bola GTn Mr. Boo Tsufur Planetan Oobgatik sakrifikatzen da, justu Umek akabatu behar zuenean. Book Umeren erasoa xurgatu eta milaka zatitan txikitzen da. Honek Oobi bere historia kontatu eta fusionatu egiten dira Boo originalaren antza hartzen duelarik. Ezin baita ahaztu Oob Gokuk energi bolaz hil zuen Boo gaiztoa dela, pertsona on baten gorputzean sartua.

Eraldaketak[aldatu | aldatu iturburu kodea]

Ona[aldatu | aldatu iturburu kodea]

Boo ona (jatorrizko japonieraz 善 edo Zen ?) Babidik Lurrean askatzen duena da, lodia eta haur-izaerakoa da. Forma hau Mr. Boo izatera pasatzen da eta Goku edo Vegeta Super Saiya 2 baino indartsuagoa da. Kid Booren aldean oso ahula da.

Makurra[aldatu | aldatu iturburu kodea]

Boo makurra (jatorrizko japonieraz 純粋悪 edo Junsuiaku ?) Boo ona haserretu eta buruan dituen zuloetatik kea ateratzen denean sortzen da. Ke hori kondentsatu eta Boo argal eta ilun bat sortzen da, Boo ona xurgatzen duelarik.

Txarra[aldatu | aldatu iturburu kodea]

Boo txarra (jatorrizko japonieraz 悪 edo Aku ?), edo Super Boo, Boo makurrak' Boo ona irensten duenean sortzen da, aurreko Booak baino altuagoa da eta indartsuagoa ere bada. Ez daramatza txaleko beltza eta kapa. Eraldaketa hontan Gotrunks, Son Gohan eta Satan Txiki xurgatzen ditu indar handia lortuz. Goku Super Saiya 3 baino askoz indartsuagoa da eta hasiera batean Vegeta eta biek ere ezingo dutela garaitu dio. Baina Gotrunksen bateraketa amaitzean, indar asko galtzen du eta berez Gohanek bakarrik garaitzeko modukoa litzateke. Hala ere, zoritxarrez, Gohan irensten du. Beraz, Son Gohanen ostean bera bilakatzen da unibertseko izaki indartsuena. Vegekuk bakarrik garaitu dezake.

Purua[aldatu | aldatu iturburu kodea]

Boo purua (jatorrizko japonieraz 純粋 edo Junsui ?), Kid Boo deitua, Bibidik sortutako jatorrizko Boo da. Gokuk eta Vegetak Boo txarrak irentsitako guztiak askatzean agertzen da. Gaiztotasuna da duen sentimendu bakarra, parean pasatzen zaizkion guztiak akabatzen ditu beraz.