Bordetella

Wikipedia(e)tik
Hona jo: nabigazioa, Bilatu
Bordetella
Sailkapen zientifikoa e
Domeinua: Bacteria
Filuma: Proteobacteria
Klasea: Beta Proteobacteria
Ordena: Burkholderiales
Familia: Alcaligenaceae
Generoa: Bordetella
Moreno-López 1952
Espezieak

'B. ansorpii'
B. avium
B. bronchiseptica
B. hinzii
B. holmesii
B. parapertussis
B. pertussis
B. petrii
B. trematum

Bordetella generoa bakterio Gram negatiboz osatuta dago, bazilo itxura dutenak. Bazilo txikiak dira (kokobaziloak, 0,6/0,2 mikrakoak) eta aerobio hertsiak. Espezie batzuk flagelodunak eta mugikorrak dira, baina gehienak ez dira mugitzen. Ez dute esporarik sortzen.

Eskakizun nutritibo zorrotzak dituzte. Hori dela eta, ez dira hazten hazkuntza-inguru arruntetan. Laborategian hazkuntza-inguru aberatsak erabiltzen dira mikrobio hauen hazkuntza errazteko, besteak beste odola dutenak (odolezko agarrak).

Genero honetako bakterioek ez dute glukosa ezta beste gluzidoak ere katabolizatzen, eta haien energia aminoazidoen katabolismotik eskuratzen dute.

Bordetella guztiak parasito hertsiak dira, ezin baitute aske bizi. Giza-patogenoak hiru dira: Bordetella pertussis, Bordetella parapertussis eta Bordetella bronchiseptica. Lehenengo biek kukutxeztula eragiten dute, eta hirugarrena mikrobio oportunista da, immunogutxituengan infekzioak sortzen dituena.

Commonsen badira fitxategi gehiago, gai hau dutenak: Bordetella Aldatu lotura Wikidatan