Boris Karloff

Wikipedia(e)tik
Hona jo: nabigazioa, Bilatu
Boris Karloff
Boris Karloff
Boris Karloff aktorearen irudia.
Datu pertsonalak
Izen osoa William Henry Pratt
Jaio 1887ko azaroaren 23a
Ingalaterra East Dulwich, Londres (Ingalaterra)
Hil 1969ko otsailaren 2a
(81 urte)
Ingalaterra Midhurst, Sussex (Ingalaterra)
Bikotekidea(k) Grace Harding (1910-1913)
Olive de Wilton (1915ean ezkondua)
Montana Laurena Williams
(1920en ezkondua)
Helene Vivian Soule (1924-1928)
Dorothy Stine (1928-1946)
Evelyn Hope Helmore (1946-1969)
IMDB IMDBko fitxa

Boris Karloff, benetako jaiotzez izena William Henry Pratt (1887ko azaroaren 23a, East Dulwich, Londres - 1969ko otsailaren 2a, Midhurst, Sussex) ingeles aktore bat izan zen. Nagusiki garai guztietako beldurrezko zinema klasikoko aktore ospetsuenetako bat izateagatik ezaguna da, Béla Lugosi, Lon Chaney, Vincent Price, Peter Cushing eta Christopher Lee aktoreekin batera.

Ibilbidea[aldatu | aldatu iturburu kodea]

Antzerkia asko gustatzen zitzaion, bere ibilbide diplomatikoa alde batera utzi eta 21 urterekin interpretazioaren munduan lanean hasteko Kanadara joan zen. Ontarion antzerki-konpainia batean sartu eta bere jaiotza izena aldatzea erabaki zuen: hortik aurrera Boris Karloff ezizena erabili zuen. Antzerkian bigarren mailako pertsonaiak interpretatzen zituen bitartean etxalde batean dirua irabazteko peoi lanetan ere aritu zen.

1916. urtean Karloffek The dumb girl of Porticiegin filmarekin figurante moduan zineman debuta egin zuen. Halere, debuta egin arren, aldi batean lanik aurkitu gabe ibili zen, eta kamioilari lanak egin zituen. Garai hartan Universal etxearen zenbait filmetan parte hartu zuen. Gainera, Boris Karloffek soinurik gabeko zinemaren garaian, hainbat filmetan parte hartu zuen, besteak beste, The Last of the Mohicanes filman.

The Unholy Night (1929) filmarekin aktore ingelesak soinudun zineman debutatu zuen, eta The Criminal Code (1931) lanarekin Boris Karloff ospetsu bilakatu zen. Azken film horren urte berean Bela Lugosi hungariar aktoreak Drakula kondearen papera egiteagatik ere ospetsu bihurtu zen. Horren ondorioz, Universal etxeak beldurrezko mitoei buruzko filmak egitea erabaki zuen. Konpainiak Frankestein (1931) filmatu nahi zuen eta Lugosiri eskaini zion papera. Lugosik azkenean ez zuen proiektua onartu eta James Whale zuzendariak Karloff kontratatzea erabaki zuen. Aktoreak ez zuen inolako zalantzarik izan eta Jack Pierce makillatzailearen eskuetan jarri zen. Pierceren lan bikainak, Karloffen interpretazioak eta Whaleren zuzendaritzak bere fuituak eman zituen eta Karloff 1930eko hamarkadako aktore ezagunenetarikoa bilakatu zen.

Filmografia[aldatu | aldatu iturburu kodea]

1930eko hamarkadako Hamarkada hori aktorearentzat gogoangarria izan zen. Besteak beste, Scarface (1932), The Mask of Fu Manchu (1932), The Mummy (1932), The Old Dark House (1932), The Black Cat (1934), The Lost Patrol (1934), The House of Rothschild (1934), The Black Room (1935), Bride of Frankenstein (1935), The Raven (1935), Charlie Chan At The Opera (1936), The Man Who Changed His Mind (1936), The Walking Dead (1936) eta Son of Frankenstein (1939) filmak antzeztu zituen.

Londresko aktoreak honako filma hauetan Béla Lugosirekin ere lan egin zuen: The Black Cat (1934), The Raven (1935), The Invisible Ray (1936), Son of Frankenstein (1939), Black Friday (1940), You'll Find Out (1940) eta The Body Snatcher (1945) filmetan hain zuzen ere.

1940, 1950 eta 1960ko hamarkadetan Boris Karloffek zineman, antzerkian eta telebistan lan egin zuen. Bere lanik onenak, besteak beste, The Climax (1944), Isle of the Dead (1945), The Body Snatcher (1945), Bedlam (1946), The Secret Life of Walter Mitty (1947), Unconquered (1947), The Raven (1963), The Terror (1964) eta The Comedy of Terrors (1964) izan ziren.

Heriotza[aldatu | aldatu iturburu kodea]

Karloffek ia ia hil arte ekin zion lan egiteari, bere azken bi filmak The Incredible Invasion eta Isle of the Snake People (1970) izan ziren. 1969ko otsailaren 2an, 81 urte zituela, birikietako enfisema baten ondorioz zendu zen.

Iruditegia[aldatu | aldatu iturburu kodea]

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Boris Karloff Aldatu lotura Wikidatan