Bortziriak

Bortziriak
Nafarroa
Azalera	262,1 km²
Biztanleria	8.658 (2010)
Dentsitatea	3,03 bizt / km²
Udalerriak	Arantza, Bera, Etxalar, Igantzi eta Lesaka
Herririk handiena	Bera (3.691 biztanle)

Bortziriak edo Bortzerriak Nafarroako ipar-mendebaldean dagoen eskualde mugakoa da, 7.500 biztanle inguru daukana.

Gipuzkoa eta Lapurdiko mugan dago kokatuta eskualdea.

Mugakideak

Mugakide hauexek ditu: Mendebaldean Bidasoaldea-Txingudi eta Oarsoaldea, iparraldean Ezpeletako Kantonamendua, hegoaldean Sunbilla herria eta Malerreka eskualdea eta ekialdean Baztanaldea.

Udalerriak

Eskualdeari bost (bortz) herri hauek ematen diote izena:

1. Bera: 3.691 biztanle (2009).
2. Lesaka: 2.665.
3. Etxalar: 788.
4. Arantza: 628.
5. Igantzi: 604.

Inguru naturala

Aiako Harria (837 m) Bortzirietako ipar-mendebaleko muturrean dago, Oarsoaldea eta Bidasoaldea eskualde gipuzkoarrekin mugakide. Halaber, hainbaten ustez Mendebaldeko Pirinioetako lehen tontorra da, itsasotik begiratuta.

Bestela, Bidasoa ibaiak ingurunea zeharkatzen du, Beratik igaroz.

Euskara

Nafarroako ingurunerik euskaldunenen artean dugu Bortziriak, euskal hiztunak biztanleen %70etik gora izanda. Portzentaia altu horren erakusle, UEMAko kide da Arantza herria.

Halaber, bertsolaritza moduko jarduerak bizi-bizi daude gaur egun zonalde honetan.

Eskualdeko berezko hizkerari dagokionez, nafar-lapurteraren eredu bikaina da.

Hedabideak

"Ttipi-Ttapa" komunikazio taldeak euskarazko aldizkaria (paperez eta interneten) eta telebista katea eskaintzen ditu.

Pertsonaia ezagunak

• Manuel Aznar Zubigarai (Etxalar, 1894-1975), politikaria.
• Genaro Zelaieta (Bera, 1954-2008), futbolaria.
• Estitxu Fernandez (Lesaka, 1975-), kazetaria.
• Jon Abril (Bera, 1975-), kazetari eta politikaria.
• Patxi Vila (Bera, 1975-), txirrindularia.
• Xabier Silveira (Lesaka, 1976-), bertsolaria.
• Petti (Bera, ?-), abeslaria.

Kanpo loturak

• (Euskaraz) Ttipi-Ttapa egunkari digitala