Buffalo Bill

**Buffalo Bill**
Datu pertsonalak
Buffalo Bill 1911ean.
Izen osoa	William Frederick Cody
Ezizena	Buffalo Bill
Jaio	1845eko otsailaren 26a
	LeClaire udalerritik hurbil, Iowa (Estatu Batuak)
Hil	1917ko urtarrilaren 10a
	Lookout Mountain, Golden, Colorado (Estatu Batuak)
Webgunea	www.buffalobill.org http://www.buffalobill.org/ www.buffalobill.org
Sinadura

William Frederick Buffalo Bill Cody (1845eko otsailaren 26a, LeClaire udalerritik hurbil, Iowa - 1917ko urtarrilaren 10a, Lookout Mountain, Golden, Colorado) estatubatuar gudaria, bufalo ehiztaria, ikuskizun antolatzailea eta plazagizona izan zen. Mendebalde Urruneko pertsonaia ezagunenetakoa izan zen.

Gaztetan denetarik egin zuen: zamalaria, mezularia, Pony Expresseko langilea, gidaria, Ameriketako Estatu Batuetako Gerra Zibilan Batasunaren aldeko gudaria, Ameriketako Estatu Batuetako Armadako esploratzailea, bufalo ehiztaria (bere ezizena hortik zetorren), ostalaria... guzti honek Mendebalde Urruna ongi ezagutzeko beta eman zion.^[1]

Buffalo Bill's Wild West[aldatu]

1883an "Buffalo Bill's Wild West" ("Buffalo Billen Mendebalde Basatia") ikuskizuna sortu zuen.^[1] Bertan, eta beste askoren artean, Zezen Eseria buruzagiak eta hogeiren bat sioux gudarik parte hartu zuten. Ikuskizun honetan benetako indiar eta cowboyak parte hartzen zuten. Ikuskizun hau Europan zehar ere jardun zuen, honek Mendebalde Urruna mundu mailan ezagun bilakatzen asko lagundu zuelarik.