Burgi

Burgi
Nafarroa
Burgiko ikuspegia.
Izen ofiziala	Burgui <> Burgi
Estatua Erkidegoa Merindadea Eskualdea	Espainia Nafarroako Foru Erkidegoa Zangozako merindadea Erronkariko ibarra
Alkatea	Ignacio Aierra Arrarats (AIB, indep.)
Herritarra	burgiar
Koordenatuak	42°43′16″N 1°0′3″W
Eremua	64,60 km2
Garaiera	629 m
Distantzia	77 km Iruñera
Posta kodea	31412
Biztanleria	237 bizt. (2012)
Dentsitatea	3,67 bizt./km²
www.ayto-burgui.es http://www.ayto-burgui.es/?lang=eu www.ayto-burgui.es

Burgi Nafarroako ipar-ekialdean dagoen udalerria da, Erronkariko ibarrean hegoaldeen dagoena delarik. Zangozako merindadeko herri honek 237 biztanle zituen 2012ko urtarrilaren 1eko erroldaren arabera.

Nafarroako hiriburutik 77 kilometrora dago.

Inguru naturala eta kokapena

Herria, esan bezala, Nafarroako ipar-ekialdean kokatzen da, Eska eta Binies ibaiek bat egiten duten tokian. Herrira N-137 errepidetik heltzen da. Herriaren batez besteko altuera 629 metrokoa da. Altuera hori Burgiko Herriko Etxean neurtuta dago.

Burgik Bidankoze eta Erronkarirekin egiten du muga iparraldean, Garderekin ipar-ekialdean, Nabaskoze eta Galozerekin mendebaldean, eta Huesca probintziarekin hego-ekialdean.

Demografia

Burgiko biztanleria

1897	1900	1910	1920	1930	1940	1950	1960	1970	1981	1991	2001	2006
771	785	836	838	806	702	630	605	394	287	258	233	229

2008ko erroldaren arabera, ez da etorkinik bizi Burgin.

Azpiegitura eta garraioak

La Tafallesa izeneko autobus konpainiak Uztarroze eta Iruñea batzen dituen linea ustiatzen du. Lineak bi zerbitzu dauzka norabide bakoitzean, eta honako ibilbidea:

• Uztarroze - Izaba - Urzainki - Erronkari - Garde - Burgi - Esa - Xabier - Zangoza - Ledea - Irunberri - Nardoze - Ibargoiti - Elo - Noain - Cordobilla eta Iruñea

Politika

Burgiko arroilaren ikuspegia.

Udal hauteskundeak

Burgiko alkatea "AIB" herri ekimeneko Ignacio Aierra Arrarats da 2007ko udal hauteskundeez geroztik. AIBk aukeratu ziren bost zinegotzietatik lau lortu zituen, gehiengo osoa udalean. Boto zuriak bi izan ziren (%1,18), eta baliogabeko botoak zazpi (%3,98). Abstentzioa %29,88koa izan zen.

Burgiko Udala (2007)

Alderdia	Botoak	Aukeratua?
Ignacio Aierra Arrarats (AIU)	80	Bai
Iñigo Glaria Zabaltza (AIU)	78	Bai
Miguel Javier Aznarez Lus (AIU)	78	Bai
Marta Zudaire Aznarez (AIU)	69	Bai
Ivan Petrotx Urzainki (AIM)	45	Bai

2011n ez zen zerrendarik aurkeztu eta Aierrak segitzen du jarduneko alkate.

Udaletxea

Udaletxea herriko plaza nagusian dago elizaren ondoan. 1850. urtean eraikia, harrizko hormak dituen hiru solairuko eraikina da, jatorriz eskola moduan erabilia, eta ondoren, herriak biztanleria galtzean, udaletxe bihurtutakoa. Burgiko idazkaria Bidankoze eta Gardeko idazkari ere bada. Udalak alkatea eta sei zinegotzi dauzka.

• HELBIDEA: Herriko Plaza, 1

Alkateak

Alkateen zerrenda

1979-1983
1983-1987
1987-1991
1991-1995
1995-1999
1999-2003
2003-2007
2007-2011	Ignacio Aierra Arrarats	AIB, indep.
2011-	Ignacio Aierra Arrarats	Jardunean

Kultura

Ondarea

• San Pedroko eliza, XVI. mendekoa
• Burgiko Almadiaren Museoa

Jaiak eta ospakizunak

Burgiko jaiak San Pedroren omenez ospatzen dira ekainaren 29an.

Gainera, almadiazainen ogibidea omentzen duen "Almadiaren eguna" ere ospatzen da. Hiru almadia jaisten dira Eska ibaitik behera, antzina almadiazainek egin bezala.

Uskara

Erronkarierazko azken hiztunak XIX. mendeko amaiera arte bizi izan ziren, hau da, ibarreko iparraldean baino mende bat lehenago galdu ziren.

Gaur egun euskal hiztunen kopurua arras baxua da, %5en ingurukoa.

Jakingarriak

1842. urtea arte herriaren izen ofiziala "Buogüi" izan zen.

Zerbitzuak

Eska-Zaraitzu Hondakin Solidoen Mankomunitatea zaborra biltzeaz arduratzen da Burgin eta eskualdeko beste hainbat herritan.

Ikus, gainera

• Nafarroako udalerrien zerrenda

Kanpo loturak

• (Euskaraz) Burgiko udalaren webgunea.
• (Euskaraz) Almadiaren Eguna, Nafarroako gobernuaren turismoa sustatzeko webgunean.
• (Gaztelaniaz) Burgiri buruzko informazioa Nafarroako Gobernuaren webgunean.
• Burgiko Kale Berriaren ikuspegia Google Street View-n.