Burtsa indize

Wikipedia(e)tik
Hona jo: nabigazioa, Bilatu

Burtsa indizea burtsa batean kotizatzen duten akzio eta beste tituluen prezioen bilakaera zehazten duen zenbaki indize bat da. Burtsa indize bat eratzeko biltzen diren tituluen ezaugarriak antzeko burtsa kapitalizazio bat izatea eta industria berekoa izatea ere izan daitezke.

Burtsako jardueraren erakusgarri nabarmenenak dira[1] burtsaren indizeak, indizeek ahalbidetzen baitute, batetik, baloreen jokabide desberdinak erkatzea eta, bestetik, merkatuak izango duen bilakaera aurreikustea. Balore merkatuetan sistema informatikoak erabiltzen hasteari esker minutuz minutu kalkula daitezke burtsaren indizeak.

Lanaldian zehar, indizea igo edo jaitsi egiten da, kotizatutako baloreen kontratazio handiago edo txikiagoaren arabera eta une bakoitzean baloreengatik ordaintzen ari diren prezioaren arabera. Burtsaren indizeak merkatuko titulu esanguratsuenak oinarritzat hartuz kalkulatzen direnez, titulu gutxi batzuk besterik ez dira merkatu osoa ordezkatzen dutenak.

Hainbat indize mota daude, bakoitza gauzatzeko bere moduarekin. Indizeak kalkulatzeko garaian, normalean balorerik garrantzitsuenek izaten dute pisurik handiena indizearen bilakaeran. Hau da, balore batzuek besteek baino balio handiagoa daukate batez besteko estatistikoan. Bestalde, indize guztiak ez dagozkie merkatu osoari. Badira sektorekako indizeak ere, hau da, jarduera sektorearen araberakoak, errenta finkokoak, mistoak, etab. Datozen zenbakietan ezagutuko ditugu indize horietako batzuk: Burtsaren Indize Orokorra, Ibexa, Bilboko Burtsaren Indizea, eta nazioarteko burtsen indize nagusiak (Wall Street, Nikkei eta Financial Times).

Historia[aldatu | aldatu iturburu kodea]

Egungo estatubatuar burtsa indize antzinakoena Dow Jones Industrial Average da, soilik Dow Jones bezala ezagunagoa. Hau Charles Henry Dowk sortu zuen Wall Street Journalekin batera, XIX. mendearen amaieran AEBetako aktibitate ekonomiko eta finantzarioa neurtzeko. Hasieran soilik 12 konpainiak osatzen zuten, horien artean General Electric, North America Company eta American Tobacco Company, gaur egun 30 konpainiak osatzen duten bitartean.

Burtsa indizeak munduan zehar[aldatu | aldatu iturburu kodea]

Munduko burtsa indizerik garrantzitsuenak honakoak dira:

Antzinako indizeak

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Burtsa indize Aldatu lotura Wikidatan