CANDU

Wikipedia(e)tik
Hona jo: nabigazioa, Bilatu

Kanadan garatutako erreaktore-mota honetan ur astuna da hozgarria eta moderatzailea. CANDUren bereizgarri nagusietakoa erregaitzat uranio oxido naturala erabiltzea da, hau da, erregaiak ez du aberaste-prozesurik behar. Ur arrunteko erreaktoreetan ez bezala, hozgarriaren eta moderatzailearen zirkuituak bereiziak dira. Moderatzailea presio atmosferikoan dago eta hozgarria, berriz, irakitea eragozten duen presio handiko zirkuituan dabil. Erregai-multzoak zirkaloy-zko hodi horizontalen barruan sartzen dira eta hodi horietan barrena dabil hozgarria. CANDUren beste ezaugarri garrantzitsu bat erregaia kendu eta jartzeko erreaktorea gelditu behar ez izatea da. Kontrol-barrak goialdetik sartu eta ateratzen dira. Erreaktore honen ohizko espezifikazioak honako hauek dira:

- gunea: 6-7 m-ko diametro eta 6 m-ko garaiera - ontzia: 5 m-ko barne-diametroa eta 10 m-ko garaiera - hozte-zirkuituko presioa: 11 MPa - hozgarriaren sarrera-tenperatura 266 Â°C eta irteera-tenperatura 310 Â°C - potentzia termikoa: 2.100 MW - potentzia elektrikoa: 600 MW - potentzia-dentsitatea: 7,5 MW/m3 - errendimendua: % 30

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: CANDU Aldatu lotura Wikidatan

http://www.eve.es/energia/artikulua.asp?kodea=004133