Nafarroako Demokraten Elkargunea

Wikipedia, Entziklopedia askea
CDN» orritik birbideratua)
Artikulu hau alderdi politikoari buruzkoa da; beste esanahietarako, ikus «CDN (argipena)».
Nafarroako Demokraten Konbergentzia
Convergencia de Demócratas de Navarra (CDN)
Sorrera1995eko apirilaren 10a
Desegitea2011ko ekainaren 2a[1]
Egoitza nagusiaIruñea
Ideologia politikoazentrista, erregionalista nafarra eta kristau-demokrata
www.cdn.es

Nafarroako Demokraten Elkargunea[2] (gaztelaniaz eta ofizialki Convergencia de Demócratas de Navarra, CDN), Nafarroako alderdi politikoa izan zen, 1995ean UPNko zatiketa bezala sortua. 2011ko udal eta foru hauteskundetan lortutako emaitza txarren ondoren desegitea erabaki zuten.[1]

Alderdia zentro aurrerakoia, nafartasun bateragarria, eta Nafarroa erkidego ezberdindu eta plurala duen proiektu politikoa bezala definitzen zen.

1991 eta 1995 artean Nafarroako Gobernuko lehendakaria izandako Juan Cruz Alli izan zen alderdiburua sorreratik 1998ko kongresura arte, non José Andrés Burguetek lekukoa hartu zion. 1995 eta 1996 bitartean, CDNk gobernu taldean parte hartu zuen Nafarroako Alderdi Sozialista eta Eusko Alkartasunarekin, Javier Otano lehendakariak dimisioa aurkeztu zuenera arte. 2003an berriz ere Nafarroako Gobernuan sartu zen, orduan UPN eta Miguel Sanz lehendakariaren eskutik. 2007an ere Sanzen Gobernuan sartu zen CDN, 2010ean Miguel Sanzek kaleratu zuen arte.

Bere gazte taldea Jóvenes Demócratas Navarros/Nafarroako Gazte Demokratak zen.

Hauteskundeetako emaitzak[aldatu | aldatu iturburu kodea]

  • Foru Hauteskundeak:
    • 1995: 55.153 boto (%18,55) eta 10 legebiltzarkide.
    • 1999: 20.821 boto (%6,86) eta 3 legebiltzarkide.
    • 2003: 23.516 boto (%7,65) eta 4 legebiltzarkide.
    • 2007: 14.418 boto (%4,40) eta 2 legebiltzarkide.
    • 2011: 4.651 boto (%1,42) eta 0 legebiltzarkide.
  • Udal Hauteskundeak:
    • 1995: 24.186 boto (%8,34) eta 42 zinegotzi.
    • 1999: 14.573 boto (%4,91) eta 25 zinegotzi.
    • 2003: 10.440 boto (%3,46) eta 17 zinegotzi.
    • 2007: 7.699 boto (%2,3) eta 16 zinegotzi.
    • 2011: 3.039 boto (%0,95) eta 13 zinegotzi. Alderdia desagertu aurreko hauteskundeetan bi alkatetza (Azuelo eta Eneritz) eta 11 zinegotzi lortu zituen[3].
  • Espainiako Hauteskundeak:
    • 1996ko Espainiako Diputatuen Kongresurako Hauteskundeak: 17.020 boto (%5,25) eta 0 diputatu.
    • 2000ko Espainiako Diputatuen Kongresurako Hauteskundeak: 8.646 boto (%2,86) eta 0 diputatu.
    • 2004ko Espainiako Diputatuen Kongresurako Hauteskundeak: 5.573 boto (%1,64) eta 0 diputatu.
    • 2008ko Espainiako Diputatuen Kongresurako Hauteskundeak: ez zen aurkeztu.
  • Europako Hauteskundeak:
    • 1999ko Europako Batasuneko Legebiltzarrerako hauteskundeak: ez zen aurkeztu.
    • 2004ko Europako Batasuneko Legebiltzarrerako hauteskundeak: 1.729 boto (%0,86) eta 0 eurolegebiltzarkide.
    • 2009ko Europako Batasuneko Legebiltzarrerako hauteskundeak: ez zen aurkeztu.

Erreferentziak[aldatu | aldatu iturburu kodea]

Kanpo estekak[aldatu | aldatu iturburu kodea]