Captain Lightfoot

Captain Lightfoot
Jatorria
Argitaratze-data	1955
Izenburua	Captain Lightfoot
Jatorrizko hizkuntza	ingelesa
Jatorrizko herrialdea	Ameriketako Estatu Batuak
Ezaugarriak
Genero artistikoa	film dramatikoa
Iraupena	92 minutu
Kolorea	koloretakoa
Zuzendaritza eta gidoia
Zuzendaria(k)	Douglas Sirk
Gidoigilea(k)	W. R. Burnett (en) ; Oscar Brodney (en)
Antzezlea(k)
	Rock Hudson ; Barbara Rush ; Finlay Currie ; Denis O'Dea (en) ; Kathleen Ryan (en) ; Jeff Morrow (en)
Ekoizpena
Ekoizlea	Ross Hunter
Konpainia ekoizlea	Universal Studios
Edizioa	Frank Gross (en)
Ekoizpen-diseinatzailea	Alexander Golitzen
Bestelako lanak
Musikagilea	Heinz Eric Roemheld
Argazki-zuzendaria	Irving Glassberg (en)
Fikzioa
Kontakizunaren tokia	Irlandako Errepublika

Captain Lightfoot (euskaraz Lightfoot kapitaina) 1955eko Douglas Sirk estatubatuar zinema zuzendariaren abenturazko filma bat da. W. R. Burnett idazlearen 1954ko izenburu berdineko eleberrian oinarritua dago. Bertan, Rock Hudson eta Barbara Rush aktoreek antzeztu zutelarik.

Bitxikeria gisa, Hego Euskal Herrian zinema eta telebistan Arrazaren Harrotasuna (gaztelaniazko "Orgullo de Raza") izenburuaz pantailaratu zen, Ipar Euskal Herrian aldiz, Misterio kapitaina (frantsesez "Capitaine Mystère") izenburua jaso zuen.

Filma hau Irlandako ekialdeko Louth konderriko Clogherhead udalerriaren inguruan eta Wicklow konderriko Enniskerry udalerriko Powerscourt Estate jauregian filmatu zen.

Filma 1798ko Irlandako matxinada ondorengo garaian girotua dago, Irlandar errepublikanismoaren hastapena eta Irlandar Batasunaren Elkartearen itzalpean. Bertan, irlandar nazionalistak euren benetazko izenak ezkutatu asmoz ezizenen bitartez ("Lighfoot kapitaina" edota "Thunderbolt kapitaina" adibidez) herrialde osoan ospetsu bilakatu eta anglo-irlandar lurjabeen eta britainiar soldaduen aurka borrokatu ohi zirelarik, matxinada ugari hauek maila herrikoian eta oso gaizki antolatuak zeudenez sortu bezain azkar porrot egin ohi zutelarik.

Argumentua[aldatu | aldatu iturburu kodea]

Oharra: Atal honek istorio osoa edo amaiera argitzen du.

1815. urtea, Irlanda. Irlandar abertzaleak britainiar okupatzaileen aurka jo ta ke borrokan dabiltz. Michael Martin (Rock Hudson), irlandar gazte odolbero eta kementsua Irlandaren independentziaren alde jardunean dabilen elkarte sekretu iraultzaile bateko kidea da. Helburu horretarako mota askotako delituak burutu ditu: lurjabeen jabetzeei su eman, bidelapurreta, etab. Bere biktimetako batek Michael ezagutzean, atzeman ez dezaten jaioterria laga eta Dublinera joatera derrigortua egongo da, han herrialde osoan ospetsua den Thunderbolt kapitainaren (Jeff Morrow) konfidantzazko gizon bilakatuko delarik, bai eta Aga Doherty (Barbara Rush) neska gazteaz maitemindu ere.