Carl Spitteler
 Carl Spitteler 1905eko argazkian. | ||
| Datu pertsonalak | ||
|---|---|---|
| Izen osoa | Carl Friedrich Georg Spitteler | |
| Jaio | 1845eko apirilaren 24a | |
| Liestal, Basilea Landa (Suitza) | ||
| Hil | 1924ko abenduaren 29a | |
| Luzerna (Suitza) | ||
Carl Friedrich Georg Spitteler (Liestal, Basilea Landa, 1845eko apirilaren 24a — Luzerna, 1924ko abenduaren 29a) olerkari suitzarra izan zen. Errusian eta Finlandian lan egin zuen harik eta 1892an Luzernan bizilekua hartu eta bete-betean literatura lantzen hasi zen arte; alemanez idatzi zuen eta, olerkiez eta kontakizunez gainera, aipagarriak ditu zenbait saiakera ere.
Bere lanean nabarmena da Shopenhauerren eta Nietzscheren eragina; errealismo burgesaren kontra egon zen. Bere lanetako gaiak Greziako mitologiatik hartuak dira; bertso ezkor baina aldi berean heroikoak egin zituen. 1919an Literaturako Nobel Saria eskuratu zuen Der olympische Frühling ("Udaberri olinpikoa", 1904-1910) olerki epikoarekin. Haren beste zenbait lan: Prometheus und Epimetheus (1881-1882), Meine frühesten Erlebnisse (1914, "Nire lehen bizikizunak") autobiografia lana, Rede über G. Keller (1919, "G. Kellerri buruzko hitzaldia") saiakera.
Bibliografia
- Prometheus und Epimetheus (1881)
- Extramundana (1883, zazpi mito kosmiko)
- Schmetterlinge ("Tximeletak", 1889)
- Der Parlamentär (1889)
- Literarische Gleichnisse ("Literatura parabolak", 1892)
- Gustav (1892)
- Balladen (1896)
- Conrad der Leutnant (1898)
- Lachende Wahrheiten (1898, saioak)
- Der olympische Frühling (1900-1905)
- Glockenlieder (1906)
- Imago (1906, eleberria)
- Die Mädchenfeinde ("Bi misogino txiki", 1907)
- Meine frühesten Erlebnisse ("Nire esperientzia goiztiarrenak", 1914, biografikoa)
- Prometheus der Dulder ("Prometheus sufritzailea", 1924).
Ikus, gainera
Kanpo loturak
 |
Wikimedia Commonsen badira fitxategi gehiago, gai hau dutenak: Carl Spitteler  |
- (Alemanez) Carl Spitteler fundazioa
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
