Carlos Ruiz

Wikipedia, Entziklopedia askea
Carlos Ruiz

Bizitza
Jaiotzako izen-deiturakCarlos Ruiz Herrero
JaiotzaBilbo1948ko ekainaren 7a (75 urte)
Herrialdea Bizkaia, Euskal Herria
BizilekuaBilbo
Hezkuntza
HeziketaEuskal Herriko Unibertsitatea
Hizkuntzakgaztelania
Jarduerak
Jarduerakfutbolaria eta medikua
Ibilbidea
Taldeak Urteak J G
Getxo Kirol Kluba1968 / 1969
Bilbao Athletic1969 / 1970258
Athletic1970 / 198121381
Espainiako 21 urtetik beherako futbol selekzioa1977 / 197710
RCD Espanyol1981 / 1982212
 
Posizio edo espezialitateaaurrelaria
Jasotako sariak

Carlos Ruiz Herrero (Bilbo, 1948ko ekainaren 7a - ) euskal herritar futbolari ohia da. Gehienetan Carlos izen soilarekin ezaguna zenak 11 urtez Bilboko Athleticen jolastu zuena. Euskal Herriko futbol selekzioarekin ere partida bat jolastu zuen.

Begoñan jolastu zuen txikitan Moraza taldean, gero Getxo Kirol Klubean eta 1970 urtean Athleticen lehen taldera pasa zen. Lehen mailako bere lehenengo partida Bartzelonaren kontra izan zen San Mamesen 1970.eko irailaren 12an; bana bukatu ziren. Orduko entrenatzailea Ronnie Allen zen.

1973an Castellonen kontra Kopa Txapelketaren finala irabazi zuen taldean aritu zen, azken minutuetan jolastu zuen. Hurrengo denboraldian Pitxitxi saria irabazi zuen Ligako gol gehien sartu zituen jokalaria izateagatik. 19 gol sartu zituen, horietako bost buruz. Sari hori lortu ahal izateko erabakigarria izan ziren azken-aurreko partidan sartu zituen bi golak, Donostiako Real Sociedaden kontra izan zen, eta aita lehenengo aldiz izan zenaren biharamunean.[1]

1977.eko UEFA Txapelketako finala ere jolastu zuen, baina azken partidan berak sartu zuen gola ez zen nahikoa izan Juventus-i irabazteko.

Athleticekin 275 partida jolastu zituen eta 115 gol sartu. Athletic utzita, azkeneko denboraldi bat jolastu zuen 1981n Espanyol taldearekin. Azken urte hori ere kontuan hartuta, guztira lehen mailan 233 partida jolastu zituen eta 85 gol sartu.

Athleticen jolastu zuen urteetan aldi berean medikuntza-ikasketak egin zituen. Entrenatzaileek hori batzuetan ez bazuten begi onez ikusten ere. Milorad Pavic entrenatzaileak, esaterako, kritikatu egiten zion gauez ikasteko zuen ohitura "txarra".[1] Geroago medikuntza eta kirola uztartzeko aukerak izan ditu: Espainiako selekzio femeninoko ekipo medikuan parte hartu izan du.[2]

« Garai hartan futbol femeninoa zerbait zirkunstantziala zela pentsa zitekeen, baina gaur egun dena aldatu da, benetako kirolariak dira »

—Carlos Ruiz


Palmaresa[aldatu | aldatu iturburu kodea]

Erreferentziak[aldatu | aldatu iturburu kodea]

  1. a b (Gaztelaniaz) El mejor equipo del mundo : historias del Athletic Club. (1. ed. en El Gallo de Oro. argitaraldia) Ediciones El Gallo de Oro 2017, 195-197 or. ISBN 9788416575251..
  2. a b (Gaztelaniaz) «Carlos Ruiz: “Hacen falta tres o cuatro jugadores de más de diez goles”. Deia, Noticias de Bizkaia» Deia (Noiz kontsultatua: 2017-12-26).

Kanpo estekak[aldatu | aldatu iturburu kodea]


Biografia Artikulu hau biografia baten zirriborroa da. Wikipedia lagun dezakezu edukia osatuz.