Cheikh Hamidou Kane

Wikipedia(e)tik
Hona jo: nabigazioa, Bilatu
Cheikh Hamidou Kane.

Cheikh Hamidou Kane (Matam, Senegal, 1928) frantsesezko idazlea da.

Bizitza[aldatu | aldatu iturburu kodea]

Parisa joan zen Zuzenbideko eta Filosofiako ikasketak egitera. Urte horietan, gogoeta egin zuen Senegalen etorkizunari eta Afrika beltzaren eta Mendebaldeko modernismoaren arteko balio tradizionalen aurkakotasunari buruz.

1959an, Senegala itzuli zen, eta garrantzizko kargu politikoak izan zituen. 1961ean, L'Aventure ambiguë eleberria argitaratu zuen. Lan hori autobiografikoa da, aldez behintzat: pertsonaia nagusia gazte bat da, islam beltzaren tradizioen eta frantses kulturaren artean bizi dena. Idazleak xake jokoko piezak balira bezala erabiltzen ditu pertsonaiak, zuriak eta beltzak aurrez aurre jarrita. Arrakasta handia eman zion egileari, baina idazteari uzteko erabakia hartu zuen, arrazoirik argitu gabe. 1995ean argitaratu zuen bigarren lana, Les Gardiens du temple (Tenpluko zaindariak). Lan horretan ere, Afrikak modernismorantz daraman bide mingarriari buruzko gogoeta egiten du.

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Cheikh Hamidou Kane Aldatu lotura Wikidatan