Chester Nimitz
Chester William Nimitz (Fredericksburg, Texas, AEB, 1885 - Yerba Buena, Kalifornia, AEB, 1966) almirante estatubatuarra izan zen.
[aldatu] Biografia
Lehen Mundu Gerra bitartean Atlantikoko urpeko armadaren buru izan zen.
Bigarren Mundu Gerra bitartean, Pearl Harborreko erasoaren ondoren, Ozeano Bareko itsas armadaren buru izan zen, eta haren esku egon zen japoniarrek mendean hartutako lurraldeak berreskuratzea. Zeregin horretan liskarrak izan zituen lurreko armadako buru zen MacArthur jeneralarekin. 1945eko irailean, japoniarren errendizioa sinatu zuen, MacArthurrekin batera.
1945etik 1947ra, itsas armadako agintaritza nagusiko buru izan zen; 1947an, itsas armadako ministroaren aholkulari berezi izendatu zuten.
1949an, indiarren eta pakistandarren arteko Kaxmirreko gerran bitartekari-lanetan ziharduen Nazio Batuen ordezkaritzako buru izan zen.
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
