Christine (1983ko filma)
Christine 1983eko John Carpenter estatubatuar zinema zuzendariaren beldurrezko filma bat da. Stephen King idazlearen Christine eleberrian oinarritua dago. Bertan, Keith Gordon, John Stockwell, Alexandra Paul, Robert Prosky eta Harry Dean Stanton aktoreek antzeztu zuten.
Argumentua
Arnie Cunningham (Keith Gordon) ez da institutuko mutilik ezagun eta irekiena, bere betaurrekotzar beltzak eta konplexuez beterik, inguruko neskek ez diote inongo jaramonik egiten. Egun batez bere adiskidemin Dennisekin (John Stockwell) etxera doala, Arnie salgai dagoen auto zaharkitu batetaz maiteminduko da: Christine, 1958ko Plymouth Fury modeloko autoa. Bere adiskidearen oharpenei jaramonik egin gabe, Arniek autoa 250 dolarren truk erosi eta zaharberritzeko asmoa du.
Une hartan Arnie Christine autoarekin obsesionatuko da. Denbora gehiena autoa konponduz pasatuko du, bere adiskide eta familiarengandik erabat isolatua. Behin autoa prest jarrita, Arnie mutil harroxko eta berekoia bilakatuko da, insitituko neska eder eta buruargiena (Alexandra Paul) bere neskalagun bilakatuko delarik. Baina Christine autoak bera eta bere jabe berriaren artean jartzen den edonor erditik kenduaraziko du. Dennis Arniren gurasoekin mintzatu eta bere adiskidearen isolamendu eta jokaera arraroaz kezkatuta, Christine autoa erosi zuten lekura joan eta saltzaileari autoaren aurreko jabeen patu beldurgarria jakingo du, honela bere adiskidea autoarengandik urruntzen saiatuko da.
Aktoreak
- Keith Gordon: Arnold "Arnie" Cunningham
- John Stockwell: Dennis Guilder
- Alexandra Paul: Leigh Cabot
- Robert Prosky: Will Darnell
- Harry Dean Stanton: Rudolph "Rudy" Junkins detektibea
- Christine Belford: Regina Cunningham
- Roberts Blossom: George LeBay
- Kelly Preston: Roseanne
- William Ostrander: Clarence "Buddy" Repperton
- Malcolm Danare: Peter "Moochie" Welch
- Steven Tash: Richard "Richie" Trelawney
- Stuart Charno: Donald "Don" Vandenberg
- David Spielberg: Casey jauna
Kanpo loturak
- Christine filmaren IMDBko fitxa irakurgai (Ingelesez)