Citrobacter

Wikipedia(e)tik
Hona jo: nabigazioa, Bilatu
Wikipedia:Taxotaula bat irakurtzeko eraTaxotaula bat irakurtzeko era
Citrobacter
Citrobacter freundii
Citrobacter freundii


Sailkapen zientifikoa
Erreinua: Bacteria
Filuma: Proteobacteria
Klasea: Gamma Proteobacteria
Ordena: Enterobacteriales
Familia: Enterobacteriaceae
Generoa: Citrobacter

Citrobacter generoa bakterio Gram negatiboz osatuta dago, Enterobacteriaceae familian sailkatzen direnak. Anaerobio fakultatiboak dira eta glukosa ez ezik, laktosa ere hartzitzen dute. Ez dute esporarik sortzen eta mugikorrak dira.

Genero honen ezaugarri biokimiko nagusiak honako hauek dira:

  • glukosa hartzitzen dute, CO2 gasa sortuz
  • laktosaren hartzidura (+)


Citrobacter-ek, Enterobacter, Klebsiella eta Escherichiarekin batera bakterio koliformeen multzoa osatzen du. Koliformeak hestean bizi diren bakterioak dira, ezaugarri biokimiko amankomunak dituztenak eta garrantzi handikoak ingurugiro-mikrobiologian, kutsadura fekalaren adierazleak baitira.

Citrobacter giza zein animalien hesteetan bizi da, baina egoera librean ere aurki daiteke (uretan, lur-zoruan...) Espezie batzuk oportunistak dira, gaixotasunak sortuz immunitate-sistema ahula dutenengan. Gaitzak eragiten dituenean gernu-infekzioak eta meningitis dira ohikoenak.