Clash of the Titans (1981eko filma)
Clash of the Titans (euskaraz Titanen Talka) 1981eko Desmond Davis ingeles zinema zuzendariak zuzendutako fantasiazko filma bat da. Greziar mitologiako Pertseo heroiari buruzko filma da, efektu bereziak Ray Harryhausenek burutu zituen. Harry Hamlin, Laurence Olivier, Judi Bowker, Maggie Smith eta Burgess Meredith aktoreek antzeztu zuten.
2010ean izenburu berdineko Clash of the Titans berregokitzapena eta 2012eko Wrath of the Titans (Titanen Amorrua) jarraipena izan zituen.
Argumentua
Akrisio (Donald Houston) Argoseko erregeak bere alaba Danae (Vida Taylor) eta hiloba Pertseo (Harry Hamlin) safrifikatzera doanean, Zeusek (haurraren aita) haiek salbatu eta Argos hiria suntsitzea erabakiko du. Perseo alaitasunean haziko da, Tetis jainkosak (Maggie Smith), bere seme Kalibos (Neil McCarthy) desitxuraketa beldurgarri batekin zigortu duen Zeus jainkoaz mendekatzeko asmoz, Perseo bahitu eta bere zorira lagako du. Jazotakoaz berri izatean, Zeusek gainontzeko jainkoei bere semea salba dadin opariak eman diezaioten aginduko die: harria ebakitzeko gai den ezpata, ikustezin bilakatzen duen burukoa eta hilkaitz egiten duen ezkutua. Arma guzti hauekin Joppa hirirantz zuzenduko da, non bertako Andromeda printzesa (Judi Bowker) Tetis jainkosaren madarikazio baten biktima den.
Aktoreak
- Harry Hamlin: Pertseo
- Judi Bowker: Andromeda
- Burgess Meredith: Ammon
- Maggie Smith: Tetis
- Siân Phillips: Kasiopea
- Claire Bloom: Hera
- Ursula Andress: Afrodita
- Laurence Olivier: Zeus
- Pat Roach: Hefesto
- Susan Fleetwood: Atena
- Tim Pigott-Smith: Talo
- Jack Gwillim: Poseidon
- Neil McCarthy: Kalibos
- Vida Taylor: Danae
- Donald Houston: Akrisio
- Flora Robson, Anna Manahan eta Freda Jackson: Estigiar Sorginak
Kanpo loturak
- Clash of the Titans filmaren trailer edo iragarkia ikusgai. Youtube.com (Ingelesez)
- Clash of the Titans filmaren IMDBko fitxa irakurgai (Ingelesez)
- Filmaren webgunea (Ingelesez)