Claude Vasconi
Claude Vasconi (Rosheim, Frantzia, 1940 - 2009) arkitektoa izan zen. Arkitekturako diploma Estrasburgon lortu zuen, eta, Stuttgarteko bulego batean lan egin eta gero, Cergy-Pontoiseko hiri berriko (Paris) urbanista izan zen. Han egin zituen lehenengo lanak. Parisko merkatuak (Les Halles) bota zituztenean, Forum des Hallesko lana egiteko lehiaketa irabazi zuen (1973). Montpellierko biltzarretako jauregia eraiki zuen, eta, horrez gainera, hainbat eraikuntza publiko egin zituen, besteak beste, Estrasburgoko Bas-Rhin departamenduko udaletxea (1986-1989). Azken urteetan egin zituen lanen artean aipagarriak ditu Reimsko biltzarretako zentroa (1990-1995), aluminioz egina, bulego-dorre bat Lillen (1995), Estrasburgoko ospitale zibil berria (2007) eta Genkeko liburutegia (2008).
Erreferentziak
 |
Wikimedia Commonsen badira fitxategi gehiago, gai hau dutenak: Claude Vasconi |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.