Clifford Shull

Wikipedia, Entziklopedia askea
Clifford Shull

Bizitza
JaiotzaPittsburgh1915eko irailaren 23a
Herrialdea Ameriketako Estatu Batuak
HeriotzaMedford (Massachusetts)2001eko martxoaren 31 (85 urte)
Hezkuntza
HeziketaNew Yorkeko Unibertsitatea
Carnegie Mellon Unibertsitatea
Schenley High School (en) Itzuli
Tesi zuzendariaRichard Threlkeld Cox (en) Itzuli
Frank Myers (en) Itzuli
Robert DeWitt Huntoon (en) Itzuli
Doktorego ikaslea(k)Jacek Moscinski (en) Itzuli
H. A. Mook (en) Itzuli
Hizkuntzakingelesa
Jarduerak
Jarduerakfisikaria, akademikoa, fisikari nuklearra eta unibertsitateko irakaslea
Enplegatzailea(k)Massachusetts Institute of Technology
Oak Ridge National Laboratory (en) Itzuli
Texaco (en) Itzuli
Jasotako sariak
KidetzaAmeriketako Estatu Batuetako Zientzien Akademia Nazionala
Arteen eta Zientzien Ameriketako Estatu Batuetako Akademia

Find a Grave: 44365408 Edit the value on Wikidata

Clifford Glenwood Shull (Pittsburg, Pennsylvania, 1915eko irailaren 23a - 2001eko martxoaren 31) estatubatuar fisikaria izan zen.

Carnegie Institutuan (gaur egun, Carnegie Mellon Unibertsitatea) egin zituen ikasketak, eta 1937an graduatu ondoren, New Yorkeko Unibertsitatean sartu zen, eta doktoregoa eskuratu zuen 1941ean. Ondoren, Texas Company (Texaco) konpainiaren laborategian hasi zen lanean, eta gerra ondoren, Oak Ridge Laborategi Nazionalean (Tennessee) sartu zen. Bere lan-jarduera nagusia, dena den, Massachusettseko Teknologia Institutuan eraman zuen aurrera; hango fisika nuklearreko irakasle izan zen, eta neutroien barreiadurari buruzko garrantzizko ikerketak egin zituen, gai baten barruko atomoen kokagunea zein den ezagutzeko oso baliagarriak. Ikerketa horietarako lehen urratsak 40ko hamarraldiaren amaieran egin zituen, Oak Ridgen. 1946tik 1955era bitartean, eta Ernest Wollan lankidearekin batera, atomoaren egitura aztertzeko tresnak prestatzen jardun zuen, eta 1948an beirazko difraktometro bat osatu zuten; horren bidez fisiozko erreaktore batek igortzen zituen neutroien artean lastertasun jakin batean mugitzen zirenak bereiz zitezkeen. 1956. urtean, Massachussetseko Teknologia Institutuan, esperimentaziorako lehenengo erreaktorearen programa zientifikoaren zuzendari izendatu zuten; kargu hartan zen bitartean, oinarrizko lanak egin zituen neutroien optikari buruz, eta beiren terferometroa asmatu zuen; 1986an hartu zuen erretiroa. 1994an Fisikako Nobel saria jaso zuen, Bertram N. Brockhouse zientzialariarekin batera, neutroien barreiaduraren inguruko tekniketan egindako lanengatik. Ikerketa horien bidez, aurrerapen handiak egin ahal izan dira materiaren egituraren ezaguerari dagokionez, eta aplikazio zabala dute industrian.

Erreferentziak[aldatu | aldatu iturburu kodea]

Kanpo estekak[aldatu | aldatu iturburu kodea]