Creditrans

Creditrans bat Trena aurpegitik (Burdinbideetan erabiltzeko aldea)

Creditrans bat Bus aurpegitik (Autobus, Igogailu, Funikular eta Bizkaia Zubian erabiltzeko aldea)

Creditrans Bizkaiko garraio publiko enpresa ezberdinetan bidaiatzeko Bizkaiko Garraio Partzuergoak jaulkitako bidaia txartela da.

Ezaugarriak

Diru kopuru ezberdineko txartelak daude, bost, hamar eta hamabost euroko balioarekin. Txartel honekin autobus, tren, metro, tranbian, funikularrean, Bizkaia Zubian eta zenbait igogailutan bidaia daiteke, eta garraio ezberdinak erabiltzeagatik deskontuak eskaintzen dira. Esaterako, Bilbobusean bidaia bat egin eta ondoren beste Bilbobus linea bat hartzerakoan, bigarren bidaia doakoa da. Bilboko metroaren kasuan erdira murrizten da ordaindu beharreko bigarren bidaia.

Creditransera atxikitako garraio enpresak eta tarifak

2001eko martxoaren 7an martxan jarri zenetik enpresa ezberdinak batzen joan dira Creditrans txartelera. Hasiera batean Bilboko metroan, Bizkaibus eta Bilbobusen erabilgarri zen. 2002an Bizkaia Zubia eta Bilboko tranbia sartu ziren Creditrans sisteman. 2005ean Euskotren Trenaren Txorierriko linean Creditransa ezarri zen. Urte berean, Etxebarri Bus zerbitzua hasi zen, Creditrans sisteman sartuta. Ondoren, 2006an Feve ere batu zen, horretarako geltoki guztietako makinetan aldaketak egin behar izan zituela, Creditransera egokitzeko. Urte bereko abenduan Larreinetako Funikularrak ere ezarri zuen bidaia-txartel bakarra. 2009an E! Busa funtzionatzen hasi zen Erandion, txartel bakarrari atxikita. 2010eko uztailaren 1ean, Renferen aldirietako trenetan Creditrans txartela erabili ahal izan zen. 2011n Kbus Barakaldoko autobus zerbitzua martxan jarri zen, Creditrans txartelarekin ordaintzeko aukerarekin.

2013ko maiatzaren 2tik aurrerako tarifak hurrengoak dira:

Autobusa

• Bizkaibus, 2001eko martxoaren 7tik.

gune 1: 0,95€; 2 gune: 1,10€; 3 gune: 1,35€; 4 gune: 1,75€; 5 gune: 2,40€

• Bilbobus, 2001eko martxoaren 7tik.

0,62€; Bilbobus lineen arteko aldaketa doakoa da.

• Kbus (Barakaldoko udalerriko autobusa), 2011ko apirilaren 16tik.

0,66€

• Etxebarri Bus, 2005eko ekainetik.

0,44€

• Erandioko Herri Autobusa, 2009ko maiatzaren 25etik.

gune 1: 0,47€; 2 gune: 0,96€

• Bilboko metroari lotutako autobusak: Gaueko zerbitzukoa, Santurtzi-Kabiezes eta Etxebarri-Basauri anezka autobusak.

gune 1: 0,80€; 2 gune: 0,97€; 3 gune: 1,08€; Bilboko metrora aldaketa doakoa da.

Burdinbideak

• Bilboko metroa, 2001eko martxoaren 7tik.

gune 1: 0,80€; 2 gune: 0,97€; 3 gune: 1,08€

• Euskotren Trena
  • Txorierriko Linea (Bilbo-Zazpi Kaleak - Lezama), 2005eko apirilaren 14tik.

0,96€

• • Funikular Linea (Larreineta - Escontrilla), 2006eko abenduaren 1etik.

0,89€

• Euskotren Tranbia, 2002ko abenduaren 18tik.
  • Bilboko tranbia (Atxuri - La Casilla)

0,71€

• Bilboko Renfe Aldiriak, 2010eko uztailaren 1etik.

gune 1: 1,06€; 2 gune: 1,41€; 3 gune: 1,53€; 4 gune: 1,88€; 5 gune: 2,41€

• Feve, 2006ko ekainaren 20tik.
  • Bilbo-Concordia - Balmaseda Linea
  • Bilbo-Concordia - Karrantza Linea

gune 1: 1,04€; 2 gune: 1,28€; 3 gune: 1,84€; 4 gune: 2,11€; 5 gune: 2,91€

• Artxandako funikularra, 2001eko martxoaren 7tik.

0,56€

Bestelakoak

• Bizkaia Zubia, 2002ko maiatzaren 20tik.

oinezkonen zerbitzu arrunta (5:00etatik 22:00etara): 0,33€; oinezkoen zerbitzu luzatua (22:00etatik 24:00etara): 0,55€; oinezkoen zerbitzu berezia (24:00etatik 5:00etara): 1,25€; ibilgailuen zerbitzu arrunta(5:00etatik 22:00etara): 1,35; ibilgailuen zerbitzu luzatua (22:00etatik 24:00etara): 1,70€; ibilgailuen zerbitzu berezia (24:00etatik 5:00etara): 2,50€

• Ereagako igogailua

0,18€

• Bizimeta

0,15€; 0,30€

• Bilboko metroari lotutako aparkalekuak: Etxebarri, Ansio eta Leioako metro geltokietan.
• Salbeko igogailua

Doakoa

Barik txartela

2012. urtetik Barik txartela ezarri du Bizkaiko Garraio Partzuergoak. Kontakturik gabeko txartela da, beraz, bidaiariek ez dute txartela inon sartu beharrik. Txartel honen barruan, beste tituluren artean, Creditrans titulua karga daiteke. 2014. urtetik aurrera Barik txartelak Creditrans txartela ordeztuko du behin betiko.

Kanpo loturak

• (Euskaraz) Creditransaren ataria