Crozet uharteak

Crozet uharteak (frantsesez eta ofizialki Archipel Crozet) Indiar Ozeanoaren hegoaldean dagoen uhartedia da. Frantziaren itsasoz haraindiko lurraldeak dira.

Geografia

Kokapena

Mapa

Haitzak eta uhartetxoak kontuan hartu gabe, sei uharte nagusi (horietako bi uhartediak) daude ekialdetik mendebaldera:

Izena	Azalera	Mendirik altuena	Kokapena
Mendebaldeko multzoa
Île aux Cochons	67 km²	Richard-Foy mendia (770 m.)	46°06′S 50°14′E
Île des Pingouins	3 km²	Manchots mendia (340 m.)	46°25′S 50°24′E
Îlots des Apôtres(1)	2 km²	Pierre mendia (289 m.)	45°57′S 50°25′E
Ekialdeko multzoa
Île de la Possession	150 km²	Mascarin haitza (934 m.)	46°24′S 51°46′E
Île de l'Est	130 km²	Marion-Dufresne mendia (1.050 m.)	46°25′S 52°12′E
Crozet uharteak	352 km²	Marion-Dufresne mendia (1.050 m.)	45°57' - 46°29'S 50°10' - 52°19'E

⁽¹⁾Oharra: Uharte nagusi bi (Grand Île eta Petite Île) eta 20 haitz inguruk osatua.

Crozet uharteek ez dute biztanlerik, Alfred Fauren, 1963tik aurrera Île de la Possessiongo ekialdeko zatian dagoen ikerketa zentroan, daudenak baino. La Grande Manchotière eta La Petite Manchotière zentroak ere eratuak izanak ziren.

Historia

Uhartediak, Adélie Lurraldea, Kerguelen uharteak, Amsterdam uhartea eta Saint-Paul uhartearekin batera, Frantziaren lurralde austral eta antartikoak osatzen ditu.

Marc-Joseph Marion du Fresne, frantziar esploratzaileak, 1772ko urtarrilaren 24an, Île de la Possession aurkitu eta Frantziarako aldarrikatu zuen uhartediaren jabetza. Izena bere bigarren ofiziala zen Jules Crozeterena jarri zion (berak jadanik Marion uhartea aurkitua zuelako). XVIII. mendean, itsas txakur ehiztariek eta, XIX. mendean, Massachusettseko baleazaleek erabili zituzten.

Frantziak Madagaskarretik gobernatu zuen uhartedia, 1955ean Frantziaren lurralde austral eta antartikoak departamenduaren zati bihurtu arte. 1938an, Crozet uharteak erreserba naturala bihurtu ziren.

Ikus, gainera

• Frantziaren lurralde austral eta antartikoak

Kanpo loturak

• (Frantsesez) TAAFen webgune ofiziala