César Gaviria

César Gaviria
Irudi gehiago
Amerikako Estatuen Erakundeko idazkari nagusi 1994 - 2004 ← Baena Soares (en) - Miguel Ángel Rodríguez Echeverría → 28. Kolonbiako presidentea 1990eko abuztuaren 7a - 1994ko abuztuaren 7a ← Virgilio Barco Vargas (en) - Ernesto Samper → Minister of Finance and Public Credit (en) 1986ko abuztuaren 7a - 1987ko ekainaren 17a ambassador of Colombia (en) Kolonbiako Ordezkarien Ganbarako kidea Barrutia: Risaralda (en)
Bizitza
Jaiotza	Pereira, 1947ko martxoaren 31 (76 urte)
Herrialdea	Kolonbia
Familia
Ezkontidea(k)	Ana Milena Muñoz Gómez (en)
Seme-alabak	ikusi Simón Gaviria Muñoz (en)
Anai-arrebak	ikusi Liliana Gaviria Trujillo (en) Luis Fernando Gaviria Trujillo (en)
Hezkuntza
Heziketa	Andes University (en)
Hizkuntzak	gaztelania
Jarduerak
Jarduerak	diplomazialaria, politikaria eta ekonomialaria
Jasotako sariak	ikusi Elisabet Katolikoaren Ordenaren lepokoa  (1992) honorary doctor of the University of Miami  (1995eko maiatzaren 12a) Grand Cross, Special Class of the Order of the Sun of Peru
Kidetza	Erromako Kluba
Sinesmenak eta ideologia
Alderdi politikoa	Kolonbiako Alderdi Liberala

César Augusto Gaviria Trujillo (Pereira, Risaralda, 1947ko martxoaren 31) kolonbiar ekonomista eta politikaria da. 1990-1994 bitartean Kolonbiako Errepublikako presidentea izan zen.

Biografia

Ekonomia eta lege-ikasketak egin zituen Andeetako Unibertsitatean. 1978an, Alderdi Liberaleko kide gisa, Julio César Turbayren gobernuaren Plangintza eta Garapenerako ministrorde izendatu zuten. Aurrerago, Virgilio Barcoren gobernuan, Finantza-ministerioaren ardura zuela, nekazaritzaren erreforma diseinatu zuen, eta zerga-sistema modernizatu. 1987an, Barne-ministro gisa, gerrillarekin elkarrizketatu zen eta droga-trafikoaren aurka ekin zuen.

1989an, Luis Carlos Galán lehendakarigaiaren kanpainan parte hartu zuen, baina urte horretan bertan droga-trafikatzaileek hil egin zuten Galán. Gaviriak alderdiaren buruzagitza eskuratu zuen, eta lehendakaritzarako hautagai aurkeztu zuen bere burua 1990eko hauteskundeetan, elkarrizketaren aldeko programa erreformista batekin. Lehendakari hautatu zuten gehiengo osoz, herrira bakea ekartzeko itxaropenarekin. Bere gobernuan alderdi politiko desberdinetako kideak sartu zituen eta, denen harridurarako, baita M-19 gerrilla-taldeko kide ohi bat ere, Antonio Navarro Wolff. Haren agintaldian errotik aldatu zen droga-trafikoaren aurkako borroka, beren burua justiziaren eskuetan uzten zuten droga-trafikatzaileei Estatu Batuetara estraditatu gabe Kolonbian bertan epaitzeko eskubidea ematen zien dekretu bat onartu baitzuen. Halaber, talde paramilitarrak eta droga-trafikoan aritzen zirenak desegiteko informazioa ematen zutenei kartzela-zigorra arintzea agindu zuen.

1994n, Amerikako Estatuen Erakundeko (AEE) idazkari nagusi hautatu zuten. 1996ko apirilean, talde ezezagun batek bere anaia Juan Carlos bahitu zuen, eta lehendakari gisa irabazitako diruen berri eman zezan eskatu zuen.

2006an, FARCek bere arreba (Liliana Gaviria Trujillo) bahitu eta hil zuten. 2005-2009 urteetan, Alderdi Liberaleko lehendakaria izan zen.

Erreferentziak

Wikimedia Commonsen badira fitxategi gehiago, gai hau dutenak: César Gaviria

• Datuak: Q332020
• Multimedia: César Gaviria / Q332020