Dani Rovira

Dani Rovira
	; (2011) Irudi gehiago
Bizitza
Jaiotzako izen-deiturak	Daniel Rovira de Rivas
Jaiotza	Málaga, 1980ko azaroaren 1a (43 urte)
Herrialdea	Espainia
Hezkuntza
Heziketa	Granadako Unibertsitatea
Hizkuntzak	gaztelania
Jarduerak
Jarduerak	komediantea, umorista, bakarrizketagilea eta aktorea
Jasotako sariak	ikusi Gizonezko errebelazio aktore onenaren Goya Saria (2015) : Ocho apellidos vascos;

Daniel Rovira de Rivas (Málaga, Andaluzia, 1980ko azaroaren 1a) espainiar aktore, bakarrizketari eta umorista bat da.

Granadako Unibertsitatean Kirol Zientzietan lizentziatua da. Paramount Comedy telebista katean bakar-hizketak egiteagatik ezagun bilakatu zen. Ondoren, eta 2009ko maiatza arte, Cuatro katean Estas no son las noticias ("Hauek ez dira albisteak") saioko hainbat saila aurkeztu zituen. 2010eko urtarrilean Bartzelonako Muntaner Aretoan ¿Quieres salir conmigo? ("Nirekin atera nahi al duzu?") ikuskizuna estreinatu zuen. Urte hartako otsailean Andreu Buenafuente kataluniar aurkezle eta umoristaren Buenafuente saioan ere parte hartu zuen. 2011n Cuatro kateko No le digas a mamá que trabajo en la tele ("Ez esan amari telebistan lan egiten dudanik") saioko lantaldeko kidea izan zen, eta 2012ko urritik aurrera Txabi Franquesa eta David Broncanorekin batera Alguien tenía que decirlo ("Norbaitek esan beharra zuen") saioa aurkezten hasi zen.

Jada zinemari dagokionez, 2014ean Emilio Martínez-Lázarok zuzendutako Ocho apellidos vascos ("Zortzi euskal abizen") filmean Clara Lago, Karra Elejalde eta Carmen Machi aktoreekin batera antzeztu zuen.

Filmografia[aldatu | aldatu iturburu kodea]

Urtea	Izenburua	Pertsonaia	Zuzendaria
2014	Ocho apellidos vascos	Rafael «Rafa» Quirós	Emilio Martínez-Lázaro
2015	Ahora o nunca	Alejandro «Álex» Fernández	María Ripoll
	Atrapa la bandera	Richard Carson (ahotsa)	Enrique Gato
	Ocho apellidos catalanes	Rafael «Rafa» Quirós	Emilio Martínez-Lázaro
2016	El futuro ya no es lo que era	Carlos	Pedro L. Barbero
	Ozzy	Fronky (ahotsa)	Alberto Rodríguez
	100 metros	Ramón	Marcel Barrena
2018	Thi Mai, rumbo a Vietnam	Andrés	Patricia Ferreira
	Miamor perdido	Mario Laguna	Emilio Martínez Lázaro
	Superlópez	Juan López / Superlópez	Javier Ruiz Caldera
2019	Taxi a Gibraltar	León Lafuente	Alejo Flah
2019	Los Japón	Paco Japón	Álvaro Díaz Lorenzo
2021	Jungle Cruise	Sancho	Jaume Collet-Serra
	Mediterráneo	Gerard Canals	Marcel Barrena
	Cuidado con lo que deseas	Miguel	Fernando Colomo