Daniel Bell
Wikipedia(e)tik
Daniel Bell estatubatuar kazetari eta soziologoa izan zen (New York, 1919 - Cambridge, Massachusetts, 2011). Gizarte postindustrialaren kontzeptua sortu eta sakon ikertu zuen. New Yorkeko City Collegen ikasi zuen, eta Zientzietan lizentziatu zen 1939an. The New Leader eta Fortune aldizkarien zuzendaria izan zen. 1960an doktoregoa egin zuen Columbiako Unibertsitatean. Soziologia irakatsi zuen unibertsitate horretan eta Harvarden. Obra nagusiak: Ideologien gainbehera (1960), Industria ondoko gizartearen etorrera (1973) eta Kapitalismoaren kultura-kontraesanak (1976).
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
