Daniel Calparsoro
Daniel Calparsoro Lopez-Tapia, (Bartzelona, 1968ko maiatzaren 11) euskal zinema zuzendaria da.
Eduki-taula |
[aldatu] Biografia
Nahiz eta 1968an Bartzelonan jaio, hilabeteetako haurra zela Hondarribiara eraman zuten bizitzera. Zientzia Politikoak Madrilen eta Zinemagintza New Yorken ikasi zituen.
1995. urtean bere lehen film luzea, Salto al vacío izenekoa, idatzi, ekoiztu eta zuzendu zuen, gizartean dagoen bortizkeria, bazterketa eta pobrezia islatuz. Gai eta arazo berdinak jorratuz, Pasajes filmatu zuen (1996). A ciegas (1997), berriz, euskal gatazka politikoan oinarritzen den filma izan zen. Asfalto (1999) lanean umorea eta zinema beltza uztartu zituen, hiru lagunen arteko amodio historia kontatuz. Film guztien protagonista rolean bere musa eta emazte ohia den Nawja Nimri aritu da.
[aldatu] Filmagintza
| Urtea | Filma |
|---|---|
| 2005 | Ausentes |
| 2002 | Guerreros |
| 1999 | Asfalto |
| 1997 | A ciegas |
| 1996 | Pasajes |
| 1995 | Salto al vacio |
| 1992 | W.C. |
| 1991 | Fedorak |
| 1989 | Sindrome Rufus |
[aldatu] Kanpo loturak
- (Ingelesez) Artikulua imdb.com
- (Gaztelaniaz)(Euskaraz) Euskadiko Filmategia
- Daniel Calparsorori elkarrizketa Argia aldizkarian
- Daniel Calparsororen eta bere filmen bideoa Argia aldizkarian
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
