Daniel Quillen

Daniel Quillen
	;
Bizitza
Jaiotza	Orange (en) , 1940ko ekainaren 22a
Herrialdea	Ameriketako Estatu Batuak
Heriotza	San Frantzisko, 2011ko apirilaren 30a (70 urte) (70 urte)
Heriotza modua	: Alzheimerra
Hezkuntza
Heziketa	Harvard Unibertsitatea ; Newark Academy (en)
Hezkuntza-maila	Doktoretza
Tesi zuzendaria	Raoul Bott
Doktorego ikaslea(k)	Mathai Varghese (en) ; Kenneth Brown (en) ; Mark David Baker (en) ; Howard Lyn Hiller (en) ; Jeanne Duflot (en) ; Jacek Brodzki (en)
Hizkuntzak	ingelesa
Jarduerak
Jarduerak	matematikaria, topologoa eta unibertsitateko irakaslea
Enplegatzailea(k)	Magdalen College
Jasotako sariak	ikusi Fields Domina (1978) ; Cole Prize in Algebra (1975) ; John Simon Guggenheim Memorial Foundation beka (1973) ;
Influentziak	Alexander Grothendieck
Kidetza	Ameriketako Estatu Batuetako Zientzien Akademia Nazionala

Daniel Gray "Dan" Quillen (Orange, New Jersey, 1940ko ekainaren 22a - Haven Hospice, Florida, 2011ko apirilaren 30a) estatubatuar matematikaria izan zen. Harvard Unibertsitatean ikasi zuen, eta R. Botten zuzendaritzapean jarraitu zuen ikasketekin. Tesia, ekuazio partzial diferentzialei buruzkoa, 1964an aurkeztu zuen. Doktoregoa bukatu ondoren, Massachusettseko Teknologia Institutuan hasi zen lanean. Hurrengo urteetan, unibertsitate ugaritan aritu zen ikerketa-lanean. Grothendieck eta Atiyah matematikarien lana ezagutu zuen Parisen (1968-1969) eta Princetonen, eta haien ildotik jarraitu zuen ikerlanean. Oxfordeko Unibertsitatean ere aritu zen lanean. Ekarpen garrantzitsuenak aljebraren arloan egin zituen Quillenek. Frank Adamsek adierazitako aierua aztertu zuen aljebra geometrikoa eta taldeen teoria erabiliz, eta ikusi zuen bi metodo horiek aierua frogatzeko balio zutela. 1978ko Helsinkiko Nazioarteko Matematikarien Kongresuan, Fields domina jaso zuen, K-teoriaren asmatzaileetako bat izateagatik. Teoria hori, metodo topologiko eta geometrikoak erabiltzen dituena, oso baliagarria izan da aljebrako problema ugari ebazteko, eraztunen teorian eta moduluen teorian, bereziki.

Erreferentziak[aldatu | aldatu iturburu kodea]

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.