Danimarkako futbol selekzio nazionala

Danimarkako futbol selekzio nazionala
Herrialdea	Danimarka
Izengoitia	Danish Dynamite (dinamita daniarra)
Elkartea	Danish Football Association (en)
Selekzionadorea	Kasper Hjulmand
Kapitaina	Simon Kjær
Partida gehien	Peter Schmeichel (129)
Goleatzailea	Poul "Tist" Nielsen (52) Jon Dahl Tomasson (52)
FIFA kodea	DEN
FIFA sailkapena	10
Etxekoa 　 Kanpokoa
Historiala
Lehen partida
Danimarka 5 - 1 Smyrna Atenas, 1906ko apirilaren 23a (ez ofiziala) Danimarka 9 - 0 Frantzia B Londres, 1908ko urriaren 19a
Emaitzarik onena
Danimarka 17 - 1 Frantzia Londres, 1908ko urriaren 22a
Emaitzarik okerrena
Danimarka 1 - 11 Euskal Herria Kopenhage, 1937ko abuztuaren 29a
Parte-hartzailea	ikusi 1986ko Munduko Futbol Txapelketa 2002ko Munduko Futbol Txapelketa 1998ko Munduko Futbol Txapelketa football at the 1972 Summer Olympics (en) 2010eko Munduko Futbol Txapelketa

Jokalariak gola ospatzen.

Danimarkako futbol selekzio nazionala herrialde hartako futbol federazioak (Dansk Boldspil-Union, DBU) abiatu zuen 1908an, lehenengo partida ofiziala jokatu zutenean.

1992an Europako txapeldunak izatea lortu zuten.

Historia

Hasierako urte bikainak

Hasierako urteetan emaitza oso onak lortu zituen. XX mendearen hasieran nazioarteko txapelketa garrantzitsuenak Joko Olinpikoetan izaten ziren, ez baitzen oraindik Munduko Txapelketarik sortu, are gutxiago Eurokoparik, eta daniarrek finalera iristea lortu zuten 1908 eta 1912an. Bietan Ingalaterraren aurrean galdu zuten. Aurrez 1906an Joko Olinpiko ez ofizal batzuk jokatu ziren eta bertan Danimarka izan zen garailea Greziako bi talde eta Turkiako baten aurrean. Hasiera hartan Poul "Tist" Nielsen gailendu zen, 52 gol sartu baitzituen jokaturiko 38 partidutan. Oraindik Danimarkako goleatzaile nagusia da.

Euskal Herriaren aurkako partida

Bitxikeria bezala aipatzea komeni da Gerra Zibilean dirua biltzeko Europan zehar jokatzen aritu zen Euskal Herriko futbol selekzioaren aurrean izandako porrota dela Danimarkak inoiz izan duen emaitzarik okerrena, etxean 1-11 galdu baitzuen.

Daniar dinamitak lehenengo tituluak

80. hamarkadan jokalari belaunaldi bikaina izan zuen eta Daniar dinamita izenaz ezagutzen zen taldea 1984ko Eurokopan final erdietara iritsi zen baina benetako saria 1992an izan zuen urte hartako Eurokopa irabaztean. Garaipen hau oso bitxia izan zen, izan ere ez baitzen Eurokopa jokatzeko sailkatu, baina Jugoslaviako gerraren erruz talde hau lehiaketatik ateratzean oporretan zeuden daniarrak gonbidatu zituzten antolatzaileek eta azkenean beraiek izan ziren txapelketako garaile. Ondoren FIFA Konfederazio Kopa irabazi zuten 1995ean, 1992ko garaipena kasualitate hutsa izan ez zela erakutsiz.

Garai hartako izarrak Michael eta Brian Laudrup anaiak, Preben Elkjær eta Peter Schmeichel izan ziren.

Estadioa

Danimarkako selekzioak Kopenhageko Parken Stadion futbol zelaian jokatzen ditu etxeko partida ofizialak.

Palmaresa

Michael Laudrup heroia da Danimarkan.

Allan Simonsen da urteko Europako futbolaririk onena izendatua izan den daniar bakarra. 1977an izan zen.

Munduko Futbol Txapelketa

Azken faserako sailkatu da bost aldiz orain arte: 1986, 1998, 2002, 2010 eta 2018an. Final-laurdenetaraino iritsi zen 1998an.

Joko Olinpikoetako Futbol Txapelketa

• Txapelduna (0):
• Txapeldun ordea (3): 1908, 1912 eta 1960
• Hirugarrena (1): 1948

Europako Futbol Txapelketa

• Txapelduna (1): 1992
• Final erdiak: 1984, 2020

FIFA Konfederazio Kopa

• Txapelduna (1): 1995

Iparraldeko Futbol Txapelketa

• Txapelduna (3): 1928, 1980, 1985
• Txapeldun ordea (7): 1936, 1947, 1951, 1963, 1967, 1971, 1977

Ibilbidea

Urtea Munduko Txapelketa 1930- 1982 ez zen sailkatu 1986 9.a 1990- 1994 ez zen sailkatu 1998 8.a 2002 10.a 2006 ez zen sailkatu 2010 24.a 2014 ez zen sailkatu 2018 11.a 2022

Urtea Europako Txapelketa 1960 ez zen sailkatu 1964 4.a 1968- 1980 ez zen sailkatu 1984 3.a 1988 7.a 1992 Txapelduna 1996 9.a 2000 16.a 2004 8.a 2008 ez zen sailkatu 2012 12.a 2016 ez zen sailkatu 2020 final 1/2

Urtea FIFA Konfederazio Kopa 1995 Txapelduna

Uniformea

Irabazitako Txapelketak

Euro 1992

Konfederazio Kopa 1995

Azken txapelketak

• (sailk) - Ez zen sailkatu

2002	2006 (sailk)	2010	2012	2014 (sailk)	2016 (sailk)
2018	2020	2022

Jokalari aipagarrienak

2022ko azaroaren 22an eguneratua.

Parte hartzeak

	Jokalaria	Parte hartzeak	Urteak
1	Peter Schmeichel	129	1987 - 2001
2	Dennis Rommedahl	126	2002 - 2014
3	Simon Kjær	122	2009 -
4	Christian Eriksen	118	2010 -
5	Jon Dahl Tomasson	112	1997 - 2010
6	Thomas Helveg	108	1994 - 2007
7	Michael Laudrup	104	1982 - 1998
8	Morten Olsen	102	1970 - 1989
	Martin Jørgensen	102	1998 - 2011
10	Thomas Sørensen	101	1999 - 2012

Goleatzaileak

	Jokalaria	Golak
1	Poul "Tist" Nielsen	52
	Jon Dahl Tomasson	52
3	Pauli Jørgensen	44
4	Ole Madsen	42
5	Christian Eriksen	39
6	Preben Elkjær	38
7	Michael Laudrup	37
8	Nicklas Bendtner	30
9	Henning Enoksen	29
10	Michael Rohde	22
	Ebbe Sand	22

Euskal Herriko selekzioaren aurkako partidak

Eguna	Estadioa	Etxekoa	Emaitza	Kanpokoa
1937ko abuztuaren 29a	Kopenhage	Danimarka	1-11	Euskadi

Emakumezkoen selekzioa

Sorrera	1974
Entrenatzailea	Nils Nielsen
Lehen nazioarteko partida	Danimarka 1 - 0 Suedia Markusböle, Finlandia, 1974ko uztailaren 27a
Emaitzarik onena	Danimarka 15 - 0 Georgia Vejle, Danimarka, 2009ko urriaren 24a
Emaitzarik okerrena	Estatu Batuak 7 - 0 Danimarka Orlando (Florida), 1995eko otsailaren 24a
Golegile onena	Merete Pedersen (65)
Etxeko koloreak 　 Kanpoko koloreak

Historia

Danimarkako emakumezkoen futbol selekzioak 1974an jokatu zuen lehenengo partida. Tituluri irabazi ez duen arren sarritan iritsi da Europako Futbol Txapelketako final erdietara.

Palmaresa

• Munduko Futbol Txapelketa:
  • final laurdenak (2): 1991, 1995
• Olinpiar Jokoak:
  • 1996an sailkatua
• Europako Futbol Txapelketa:
  • Txapelduna (0)
  • Finalista (1): 2017.
  • Finalerdiak (5): 1984, 1991, 1993, 2001, 2013
• Iparraldeko Txapelketa (1974-1982):
  • Txapelduna (4): 1974, 1975, 1976, 1982
  • Finalista (4): 1977, 1978, 1979, 1980
• Algarbeko Futbol Kopa:
  • Txapelduna (0)
  • Finalista (5): 1995, 1998, 2001, 2007, 2008

Kanpo estekak

• (Danieraz) DBUren webgunean selekzioaren atala

• Datuak: Q131785
• Multimedia: Denmark national association football team / Q131785