Dark Victory
"Dark Victory" 1939ko estatubatuar filma da, Edmund Gouldingek zuzenduta. Casey Robinsonen gidoia oinarrituta dago 1934ko antzezlan batean, izenburu berekoa eta George Brewer eta Bertram Blochek eginda, arrakastarik eduki ez zuena.
Pelikularen "remake"-a egin zuten 1963an, "Stolen Hours", Susan Hayward eta Michael Craig aktore lanetan ibili zirelarik.
Istorioa
Judith Traherne, goi mailako gizartearen emakume gaztea da, zaldiekin, auto azkarrekin eta bilera ludikoetan dabilena. Buruko min gogor eta sarriek bakarrik mugatzen dute. Hainbat abisuren ostean, Dr. Frederick Steelerekin kontsultatzen du eta buruko tumorea diagnostikatzen dio. Kirurgia aholkatzen dio, azkenean onartzen du eta arrakastatsua da. Eurean artean harremanetan hasiko dira eta ezkontzea ere erabakitzen dute. Hala ere, egia osoa ezkutatu dio Frederickek Judithi, eta honek azkenean topatuko ditu adituen gutunak bere terminaltasunaren informazioarekin.
Haserre, Frederickekin apurtu nahi du, pentsatuz berarekin errukiagatik zegoela. Maitasuna benetakoa zela jabetuta, azkenean ezkonduko dira, eta lasai eta ausardiaz biziko da amaieraren zain.
Protagonistak
- Bette Davis: Judith Traherne
- George Brent: Dr. Frederick Steele
- Geraldine Fitzgerald: Ann King
- Humphrey Bogart: Michael O'Leary
- Ronald Reagan: Alec Hamin
- Henry Travers: Dr. Parsons
- Cora Witherspoon: Carrie Spottswood
- Dorothy Peterson: Miss Wainwright
- Virginia Brissac: Martha
- Charles Richman: Coronel Mantle
Sariak
Hiru izendapen eduki zituzten Oscar Sarietarako, bat ere lortu ez zuten arren. Bestela, "The New York Times" eta "Film Daily" hedabideek pelikula izendatu urte hartako 10 onenen artean, eta National Board of Review-ek Bette Davis eta Geraldine Fitzgerald jo zuten urte hartako aktore onenentzat.
Ikus, gainera
Kanpo loturak
- (Ingelesez)"Internet Movie Database"-n.