Denbora serie

Wikipedia(e)tik
Hona jo: nabigazioa, Bilatu
Petrolioaren prezioaren bilakaera hainbat urtetan zehar azaltzen duen denbora serie baten diagrama.

Estatistikan, denbora seriea aldagai bati buruz jasotako datu multzoa da, denboran zehar kokaturiko une ezberdinetan, gehienetan era erregularrean (egunero, urtero, ...). Adibidez, toki bateko eguneroko tenperatura maximoa, hilabeteroko auto salmenta eta haur baten urteroko garaiera denbora serie ezberdinak dira.

Denbora serie bat gehienetan beste edozein datu multzo bezala ikertzerik badago ere, denbora serie bat aztertzeko helburu bereziak daude: denbora seriearen bilakaera azaltzen duen egitura aztertzea eta denbora serieko aldagaiari buruz aurresanak egitea. Bi helburu hauek betetzeko, denbora seriea aztertzen duten ereduak eratu behar izaten dira. Denbora serieetarako ereduak aldagaiak une jakin batean hartzen duen balioa iragan gertuko uneetako balioekin loturik dagoela ezarri ohi dute aurretik.