Denis Papin
Denis Papin (Chitenay, Bloistik gertu, Frantzia, 1647ko abuztuaren 22a - Londres, Ingalaterra, 1714) frantses fisikaria eta asmatzailea izan zen.
Lurrunaren indar elastikoa aurkitu zuen.
Biografia
Parisen Christiaan Huygensen laguntzaile gisa lan egin ondoren, 1675. urtean Ingalaterrara joan zen Robert Boyle fisikariarekin lan egitera.
1679. urtean marmita asmatu zuen, segurtasun balbula batez osatua. 1687. urtean Kasselera (Alemania) jo zuen, eta han lurrun-makina bat asmatu zuen.
1707. urtean lurrunez ibiltzen zen lehen itsasontzia egin zuen. Ingalaterrara itzuli ondoren, beste ikerketak egin bazituen ere, bere ekonomia-baliabideak gutxituz joan zitzaizkion eta, jendeak erabat ahazturik, guztiz txiroturik hil zen.
 |
Wikimedia Commonsen badira fitxategi gehiago, gai hau dutenak: Denis Papin  |
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.