Didier Borotra

Didier Borotra (Nantes, Frantzia, 1937ko abuztuaren 30a - ) euskal politikaria da. Franck Borotra politikaria anaia du, Claire Borotra antzezlea arreba eta Jean Borotra politikari eta tenislaria osaba. Union Démocratique Française (UDF) alderdikoa da.

Hainbat agintaldi egin ditu Biarritzeko alkate bezala, eta 1991z geroztik Frantziako Senatuan senatari ere bada. Behin baino gehiagotan azaldu du bera ez dagoela erabat euskal departamenduaren alde, baina aldi berean Pariseko gobernuak hala erabakiko balu onartzeko prest legokeela ere adierazi du. Sektore kontserbadoreen kritikak ere jasan izan ditu inoiz, esate baterako Jakes Abeberri politikari abertzalea Biarritzeko alkateorde izendatu zuenean.

Agintaldiak

• Pirinio Atlantikoetako senataria (hasieran UDFkoa eta gero MoDemkoa) (1992tik aurrera).
• Biarritzeko alkatea (1991tik aurrera).
• Biarritz Ekialdeko kontseilari orokorra (1973tik aurrera).
• Arbonako alkatea (1971 - 1977)
• Baiona-Angelu-Biarritz gune-metropolitarraren presidentea

Kanpo loturak

• (Frantsesez) Frantziar Senatuaren Webgunea

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.