Dodekaneso
Dodekaneso[1] (grezierazko toponimoa, Δωδεκάνησα, Dodekànisa, "hamabi uharte" esan nahi duena) Egeo itsasoan dagoen greziar uhartedietako bat da, Turkiako hegomendebaldeko kostaldetik gertu dagoena.
Administratiboki, uhartedia Greziako nomos edo prefektura bat da, Hego Egeoko periferiaren zati dena. 2.714 kilometro karratuko hedadura du. Bere biztanleria 2005eko erroldaren arabera 200.452 biztanlekoa zen. Prefekturako hiriburua Rodas da, izen bereko uhartean.
Geografia
Honako hauek dira uhartediko uharterik garrantzitsuenak: Rodas, Karpatos, Kasos, Kastellorizo, Symi, Tilos, Nisiros, Astipalea, Kos, Kalimnos, Leros eta Patmos
Uhartediko beste uharte nabarmengarri batzuk Agatonisi, Kalki, Lipsi, Serimos eta Telendos dira. Dodekanesoko uhartedia 163 uhartek osatzen dute, horietatik 26 populatuak daudelarik.
Erreferentziak
 |
Wikimedia Commonsen badira fitxategi gehiago, gai hau dutenak: Dodekaneso  |
- ↑ 159. araua. Euskaltzaindia (Noiz kontsultatua: 2011-04-11).