Dominatua

Wikipedia(e)tik
Hona jo: nabigazioa, Bilatu

Dominatua Erromatar Inperioko bigarren eta azken fasea izan zen. Hitza latinezko dominus (jauna) delakotik dator. Diokleziano jotzen da Dominatuko lehenengo agintaritzat.

Printzipatuan, Inperioko lehendabiziko fasean, Errepublikako erei eta ohiturei eutsi zitzaien, legalki Errepublika inoiz ez baitzen abolitu. Fase hori III. mendeko krisialdiarekin bukatu zen (235-375).

Krisialdia amaitu zen Dioklezianok boterea hartu zuenean. Errepublikako era eta ohitura zaharrak bertan behera utzita, gobernu-sistema erreformatzeari ekin zion, zaharkituta zegoelakoan. Tetrarkia sortu zuen Dioklezianok. Horren bidez, Inperioa lau eremutan zabaltzen zen, bakoitza bere agintariarekin. Agintari guztiek princeps titulua arbuiatu zuten. Ekialdeko gobernu-sistemaren ereduari jarraituz, agintaria gurtzeko ohitura indarrean jarri zuten.