Dorothy Lamour

Wikipedia(e)tik
Hona jo: nabigazioa, Bilatu
Dorothy Lamour
Dorothy Lamour
Datu pertsonalak
Izen osoa Mary Leta Dorothy Slaton
Ezizena Dorothy Lamour
Jaio 1914ko abenduaren 10a
New Orleans, Louisiana (Ameriketako Estatu BatuakAmeriketako Estatu Batuak)
Hil 1996ko irailaren 22a
Los Angeles, Kalifornia (Ameriketako Estatu BatuakAmeriketako Estatu Batuak)
Lan nabarmenenak The Hurricane (1937)
Spawn of the North (1938)
The Greatest Show on Earth (1952)
IMDB IMDBko fitxa


Dorothy Lamour (New Orleans, 1914ko abenduaren 10a - Los Angeles, Kalifornia, 1996ko irailaren 22a). Mary Leta Dorothy Slaton zuen ponteko izena. Umea artean, ama banandu eta Lambour zeritzon gizona hartu zuen bigarren senartzat: hortik gerora erabiliko zuen deituraren jatorria, frantsesezko 'maitasuna' adierarekin ere jolasa eginda. Ikasketetarako eskasa, edozelako lanetan aritu zen (igogailuzaina, publizitate iragarle, abeslari) harik eta zinemako magnate Louis B. Mayerrek kabaret batean topatu zuen arte eta Paramount Pictures etxearekin kontratua sinarazi 1935ean. Hasieran sex-symboltzat hartu bazuten ere, komediarako ere dohaiak bazituen. 1940tik aurrera Bing Crosby eta Bob Hoperekin hainbat komediatan jardun zuen, gerra ostean harrera ona izan zutenak: Road to... saileko filmak ziren, antzeko istorioek gorpuztuak eta helmuga berezi eta exotikoetan kokatuak. Baina tartean ere badira film onak: The Hurricane (1937), Spawn of the North (1938), Disputed Passage (1939), Beyond the Blue Horizon (1942), My Favorite Brunette (1947), The Greatest Show on Earth (1952). William Holden, Tyrone Power, Ray Milland, Henry Fonda, Jack Benny, George Raft, edo Fred MacMurray izan zituen aktore lagun. AEBetako komunistak etengabe jazarri zituen FBIko zuzendari izan zen John Edgar Hooverrekin maitasun kontuetan ibili zela dio hainbatek.

The Hurricane filmean, John Hallen ondoan (1937).

















Filmografia[aldatu | aldatu iturburu kodea]

The Greatest Show on Earth filmaren eszena bat (1952).

Kanpo loturak[aldatu | aldatu iturburu kodea]

Commons-logo.svg
Commonsen fitxategi gehiago dago honi buruz:
Dorothy Lamour