Dubna

Wikipedia(e)tik
Hona jo: nabigazioa, Bilatu

Dubna

Dubna
bandera

armarria

Izen ofiziala Дубна́
Estatua ErrusiaErrusia
Oblast-a Mosku
Koordenatuak

56°45′N 37°09′E / 56.750°N 37.150°E / 56.750; 37.150Koordenatuak: 56°45′N 37°09′E / 56.750°N 37.150°E / 56.750; 37.150

Dubna non dagoen adierazten duen Errusia-ko/-go/-eko mapa
Dubna
Eremua 70 km²
Garaiera 125 m
Biztanleria 62.500 bizt. (2010)
Dentsitatea 892,86 bizt./km²
Sorrera 1956
Telefono aurrizkia 49621
http://www.dubna.ru/

Dubna (errusieraz: Дубна́) Errusiako hiri bat da, Moskuko oblast-ekoa. Bigarren Mundu Gerraren ostean garatu zen hiria, ikerketa nuklearraren munduko gune garrantzitsuenetariko batetik abiatuta. 2010. urtean, 62.500 biztanle zituen.

Geografia[aldatu | aldatu iturburu kodea]

Ivankovoko urtegia

Hiria Moskutik 125 km ingurura dago, oblast-eko iparraldean. Volga ibaiak hiria zeharkatzen du Ivankovo urtegiaren azpiko aldetik: hain zuzen ere, urtegiaren horma da hiriaren bi aldeak lotzen dituen zubi-bide bakarra. Hiriaren mendebaldera Moskuko kanala dago, eta ekialdera, Dubna ibaia.

Historia[aldatu | aldatu iturburu kodea]

Gobernu sobietarrak 1946. urtean erabaki zuen ikerketa nuklearrerako protoi-azeleragailu bat egitea. Dubnako kokagunea aukeratu zuten Moskutik pixka bat urrun zegoelako eta Ivankovoko zentral elektrikoa zegoelako bertan. Ikerketa nuklearren esparruaz gain, hiria, Moskurainoko errepidea eta trenbidea ere egin zituzten: behartutako lanak, bortxaz agindutako presoek egin zituzten, eta hiru urteren buruan, 1949. urteko abenduaren 13an, azeleragailua inauguratu egin zuten.

Dubnako hiria, ostera, 1956. urtean inauguratu zuten, Ikerketa Nuklearren Institutu Zentralarekin batera. Institutuan nazioarteko ikerketak garatuz joan izan dira, batez ere partikulen fisika, ioi astunen fisika, elementu transuranidoen sintesia eta erradiobiologia landuz. Hainbat oinarrizko partikula han aurkitu edota ikertu izan dira, ununoktioa, esate baterako. 105. elementuaren izena ere, kasurako, hiriaren izenetik dator, dubnioa.

Biztanleria[aldatu | aldatu iturburu kodea]

Biztanleriaren bilakaera
1959 1970 1979 1989 2002 2008 2012
12 000 43 700 54 900 65 805 60 951 62 232 72 357

Ekonomia[aldatu | aldatu iturburu kodea]

Sobietar Batasuna desegin baino lehen, Ikerketa Nuklearren Institutu Zentrala eta MKB Raduga (gurutzaldi-misilak ikertu eta egiteko zentroa) ziren langile gehien zituzten entitateak. Zentro horien garrantzia gutxituz joan den neurrian, langabezia handituz joan da enpresa berriak sartu arren, batez ere informatika-zerbitzuetakoak, Luxoft adibidez.

Senidetutako hiriak[aldatu | aldatu iturburu kodea]

Kanpo-loturak[aldatu | aldatu iturburu kodea]

Commonsen badira fitxategi gehiago, gai hau dutenak: Dubna Aldatu lotura Wikidatan

Erreferentziak[aldatu | aldatu iturburu kodea]