Ea

Artikulu hau Bizkaiko udalerriari buruzkoa da; beste esanahietarako, ikus Ea (argipena).

Ea
Bizkaia
Ibaia herritik igarotzen
Izen ofiziala	Ea
Estatua Erkidegoa Lurralde Historikoa Eskualdea	Espainia Euskal Autonomia Erkidegoa Bizkaia Busturialdea
Alkatea	Juan Luis Landazabal Lamikiz (Bildu)
Herritarra	eatar
Koordenatuak	43°22′50″N 2°35′5″W
Eremua	14,17 km2
Garaiera	5 m
Distantzia	47 km Bilbora
Posta kodea	48287
Biztanleria	886 bizt. (2012)
Dentsitatea	62,53 bizt./km²
Sorrera	XIX. mendea
www.eakoudala.net http://www.eakoudala.net/ www.eakoudala.net

Ea (askotan Ie ahoskatua) Bizkaiko kostaldean dagoen udalerri txikia da. Bertakoek herriari Ie deritzote ahoskatuz. Arrantza izan da jarduera tradizional nagusia XVI. mendetik.

2012ko urtarrilaren 1eko erroldaren arabera, herriak 886 biztanle zituen.

Geografia

Ingurune naturala

Izen bereko ibaia herriburuan bertan itsasoratzen da, udalerria bitan bananduz. Alde bi horiek lau zubik lotzen dituzte, horietatik zaharrena, "erromatarra" deritzona, armarrian agertzen dela. Herria itsasadarrean dago kokaturik, portu natural baten ondoan.

Udalerriaren ipar-mendebaldean, Natxituako auzoan, Natxituko lapatza harrizko hondartza dago.

Auzoak

Ea udalerria ondoko auzo hauek osatzen dute:

• Ea (herrigunea)
• Bedaroa
• Natxitua

Udalerri mugakideak

• Bizkaiko golkoa iparraldean
• Ispaster ekialdean
• Ibarrangelu mendebaldean
• Ereño hegoaldean

Historia

Eako herrigunearen ikuspegia.

Ea XVI. mendean jaio zen, Ereñok eta gaur egun udalerriko auzoak diren Natxituako eta Bedaroako arrantzaleek Ea ibaiaren itsasadarrak osatzen duen portu naturalean kokaleku iraunkorra osatu zutenean. XIX. mendera arte Eak ez zuen udalerri izaerarik izan. Ea ibaiak banantzen zuen herria bitan: erdi bat Bedaroako elizatearen zati zen eta beste erdia Natxituko elizatekoa. Hau da Eak bi parrokia-eliza izatearen arrazoia, ibaiaren alde banatan eta zubi batek bakarrik banaturik. Zubi horretaz gain, beste hiru zubik lotzen dituzte herriaren erdi biak.

XIX. mendean, Eako portua, zatitzen zuten elizateak baino botere eta biztanleria handiagoa izanik, Bedaroari eta Natxituari batu zitzaien, Ea izeneko udalerria sortuz. Udalerri berri horren herriburua Eako portuan ezarri zen.

Demografia

Eako biztanleria

1897	1900	1910	1920	1930	1940	1950	1960	1970	1981	1991	2001	2006
1.692	1.751	1.723	1.623	1.587	1.436	1.222	1.193	1.009	852	802	810	844

Kultura

Poesia

Gabriel Aresti olerkariak azken egunak kostaldeko herri honetan igaro zituen, eta horrek inspiratu zion olerki batzuk idaztea. Hori dela eta, bilbotarraren omenez, 2003tik "Eako poesia egunak" antolatzen dituzte urtero uztailean.

Jaiak

Herriko jaiak ekainaren 24an ospatzen dituzte, sanjoanak.

Eako itsasadarraren sarrerako ikuspegia.

Ondasun nabarmenak

Herriko arkitektura ondareari dagokionez, aipatzekoak dira Jesusen Andra Maria eliza, San Joan Bataiatzailearen eliza (Natxitua) eta San Pedro (Bedaroa) parrokiak, Bartolome Deuna (Bedaroa), Agate Deuna (Natxitua) eta Talaiako baselizak eta Erdi Arokoak diren Anduizar eta Aiua baserriak.

• 

  Talako ama baseliza

• 

  Eako portua

• 

  Jesusen Andra Maria eliza

• 

  Eako sarrera itsasotik

Eatar ezagunak

• Manuel Montero politikaria, idazlea eta irakaslea, EHUko errektorea izan zen.
• Karmelo Landa (1952-) politikaria.
• Klaudio Landa kazetari eta telebista aurkezlea.

Ikus, gainera

• Bizkaiko udalerrien zerrenda

Kanpo loturak

• (Euskaraz)(Gaztelaniaz)Eako udal webgunea
• (Euskaraz)Herriko albisteak "Busturialdeko Hitza"n
• (Euskaraz)Poesia egunak