Ebaketa (multzo-teoria)

A eta B multzoen ebakidura, A ∩ B.

Matematikan, multzo-teoriaren barruan, ebaketa multzoen artean definitzen den eragiketa bat da. Eragiketa horrek multzo bat sortuko du, ebakidura multzoa deiturikoa, zeinek multzoetako elementu komunak biltzen dituen. Ebaketa adierazteko, $\cap$ ikurra erabiltzen da, eta ebaki irakurtzen da. Adibidez, A eta B multzoen ebaketa honela adierazten da:

$A\cap B$ , (A ebaki B irakurtzen da).

Adibidez, C = {1, 2, 3, 4, 8, 9} eta A = {3, 4, 5, 6} badira, orduan A ∩ B = {3, 4}.

Sinboloa	Izena	Esanahia	Adibideak
	Ahoskera
	Adarra
∩	Ebaketa	$A\cap B$ (A eta B multzoen ebakidura, hots, Aldi berean A-koak eta B-koak diren elementuen multzoa) «a ebaki be»	$\{x\in \R \;|\; x^2=1\}\cap \mathbb N = \{1\}$
	«... ebaki ...»
	Multzo-teoria

Ebaketaren propietateak

Propietate idenpotentea

$A\cap A=A$

Trukatze-legea

$A\cap B=B \cap A$

Elkartze-legea

$A\cap B \cap C=(A\cap B )\cap C=A\cap (B \cap C)$

Azpimultzoen ebaketa

A eta B multzoak baditugu, non $A\supset B$ (A-k parte du B), orduan $A \cap B=B$

Erlazioa bilketa eta ebakiduraren artean: Banatze-legea

• $A \cup ( B \cap C \cap D ...) = (A \cup B) \cap (A \cup C) \cap (A \cup D)$ ...

• $A \cap ( B \cup C \cup D ...) = (A \cap B) \cup (A \cap C) \cup (A \cap D)$ ...

Ikus, gainera

• Ebaketa (probabilitatea)