Edmond Jabès

Wikipedia(e)tik
Hona jo: nabigazioa, Bilatu
Edmond Jabès

Italiar jatorriko idazle frantsesa (Kairo, 1912 - Paris, 1991). Haren familia judu jatorrikoa zen, eta 1957an alde egin behar izan zuen Egiptotik faxismoaren aurka borroka egiteagatik. Judaismoaren bila egindako bide luzea da haren poemagintzaren oinarria. 1963-1991 bitartean hamabost liburu idatzi zituen, zenbait multzotan bilduta. Esate baterako, Le Livre des qestions (1963, Galderen liburua); Le Livre de Yukel (1964, Yukelen liburua); Le Retour au Livre (1965, Liburura itzulirik); Yael (1967); Elya (1969); Aely (1969); El ou le Dernier Livre (1973, Azken liburua); Le Livre des ressemblances (1976, Antzekotasunen liburua); Le Soupçon le Désert (1978, Susmo txarra Basamortua); L´Ineffaçable l´Inaperçu (1980, Ezabaezina Oharkabekoa), edota, azkenaldian idatzitako Le Petit Livre de la subversion hors soupçon (1982, Susmo txarrik gabeko subertsioaren liburutxoa) eta Le Livre de l´hospitalité (1991, Abegi onaren liburua). Aipagarria du, halaber, Du Désert au livre (1981, Basamortutik liburura), Marcel Cohen frantses literatura kritikariarekin izandako elkarrizketa liburua da.

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Edmond Jabès Aldatu lotura Wikidatan