Eduardo Pondal
Wikipedia(e)tik
Eduardo Pondal (Ponteceso, Coruñako probintzia, Galizia, 1835 - Coruña, Galizia, 1917) idazlea izan zen. Galegoz eta gaztelaniaz idatzi zuen. Bi poema-liburu eman zituen argitara: Rumores de los pinos (1877, Pinuen zurrumurruak) eta Queixumes dos pinos (1886, Pinuen negarrak). Ezin izan zuen bukatu, ordea, Galiziako poema epiko handia izan behar zuena: Os eoas (Eguzkiaren semak). 1961. urtean kaleratu ziren aldez aurretik argitara eman ez ziren egilearen hainbat poema: Versos iñorados ou esquecidos de Eduardo Pondal (Eduardo Pondalen bertso ezezagunak edo ahaztuak).
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
