Eduardo Zamakois

Wikipedia(e)tik
Hona jo: nabigazioa, Bilatu
Eduardo Zamakois
Eduardo Zamakois
Datu pertsonalak
Izen osoa Eduardo Zamakois Zabala
Jaio 1841eko uztailaren 2a
Bilbo ( Bizkaia)
Hil 1877ko urtarrilaren 12a (35 urte)
Madril ( Espainia)

Eduardo Zamakois Zabala (Bilbo, Bizkaia, 1841eko uztailaren 2a - Madril, Espainia, 1877ko urtarrilaren 12a) Euskal Herriko margolaria izan zen[1]. Eduardo kubatar idazlearen osaba, nazioartean arrakasta lortu zuen lehendabiziko euskal artista izan zen.

Parisen ikasi zuen (Meissonier frantses margolari handiaren ikasle izan zen). Tratulari azkarra, Europako nazioarteko lehiaketan parte hartu zuen[2].

Sari ugari jaso zituen Parisen egindako erakusketetan (1862, 1864, 1866, 1870). El guarda campestre koadroa erosi zion, 1872. urtean, Charles Dickens eleberrigile ingelesak, eta, handik bi urtera, Ohorezko Legioko dominaz saritu zuen Frantziako gobernuak.

1875. urtean, gaixo, Madrila joan zen, eta handik lau obra bidali zituen Parisko Erakusketa Unibertsalean ikusgai jartzeko (1877).

Margolan nagusiak: La desesperación, Un violinista, Una visita, Oficiales de guardia, Un recuerdo, Ultimos momentos de Cervantes, Los quintos, Los limosneros, ¡A la patria!, Cuidado que te ven, La primera espera, Episodio de la guerra de la Independencia, Bufones del siglo XVI, La educación de un príncipe, Visita inoportuna, El amor platónico, Jaque y mate, El guarda campestre, Autorretrato, El favorito del rey, Retrato de Mme. Stewarts eta Reverencia al Rey.

Lan nabarmenduak[aldatu | aldatu iturburu kodea]

  • Una despensa (1858-59; Bilboko Arte Eder Museoa)
  • Niños jugando a los toros (1863; Bilboko Arte Eder Museoa)
  • Un violinista
  • Oficial de guardia
  • Últimos momentos de Cervantes
  • La primera espada
  • Bautizo de pobre (1868; San Telmo Museoa)
  • Buffon au 16e siècle
  • Bufones jugando al cochonnet (1868; Bilboko Arte Eder Museoa)
  • La educación de un príncipe
  • La visita inoportuna (1868; Bilboko Arte Eder Museoa)
  • El regreso al convento edo El monje y el burro rebelde (1868; Thyssen-Bornemisza Museoa)
  • Fraile componiendo su peluca
  • Saludo al rey (1870; Pradoko Museoa)
  • Le favori du roi (Frankel Family Trust bilduma)

Galeria[aldatu | aldatu iturburu kodea]

Erreferentziak[aldatu | aldatu iturburu kodea]

  1.   Auñamendi Eusko Entziklopedia, Eduardo Zamacois Zabala, http://www.euskomedia.org/aunamendi/145676 .
  2.   Thieme, Ulrich; Becker, Felix (1980-1986), Allgemeines Lexikon der bildenden Künstler von der Antike bis zur Gegenwart, Leipzig .
Commonsen badira fitxategi gehiago, gai hau dutenak: Eduardo Zamakois Aldatu lotura Wikidatan