Eisenach

Eisenach
Turingia
Wartburg gaztelua Eisenachen.
Izen ofiziala	Eisenach
Herrialdea Estatua	Alemania Turingia
Alkatea	Matthias Doht
Koordenatuak	50°58′34″N 10°19′14″E
Eisenach
Eremua	103,84 km2
Posta kodea	99817
Biztanleria	42.750 bizt.
Dentsitatea	411,69 bizt./km²
Matrikula	EA
http://www.eisenach.de/

Eisenach Alemaniako herria da, Turingiako estatuan kokatua, Werra ibaitik gertu, ibai honen arroaren barnean. Turingiako oihanaren iparraldeko muga da. Johann Sebastian Bach musikariaren jaioterria izateagatik da ezaguna.

Historia

Herri honen historia Wartburg gazteluari lotuta dago, zein, elezaharraren arabera, 1067. urtean eraikia izan zen. 1180. urtean agertzen da idatzia, lehenengo aldiz, herri honen izena. Martin Luterok, Erreforma Protestantearen sustatzaileak, bertan itzuli zuen Itun Berria alemanierara. 1572an Saxonia-Eisenach printzerri independente bezala sortu zen.

1869. urtean herrian bertan Alemaniako Alderdi Sozialdemokrata (SPD) sortu zen. 1949. urtetik aurrera, eta 1990en gertaturiko bateratzera arte, Turingiako estatua Ekialdeko Alemaniaren barnean egon zen.

Hedadura eta biztanleria

Herriak 42.750 biztanle (2010) eta 103,84 kilometro koadroko hedadura dauka.

Ekonomia

1990. urteko bateratzearen ondoren, Eisenach kokaturik dagoen lurraldearen eskualdeek ez dute garapen ekonomiko bera bizi izan, baina egoerak, orokorrean, hobera egin du. Hala ere, herriak berak Alemaniako aberastasun mailarik baxuenetakoa du, gobernu federalaren eta Europar Batasunaren laguntzak jasotzen dituen arren.

Ondasun nabarmenak

• Wartburg gaztelua: 1068an jasotako gaztelu hau Gizateriaren Ondare izendatu zuen UNESCOk 1999an.
• Martin Luteroren etxea (Lutherhaus): Martin Lutero bertan bizi izan omen zen 1498-1501 artean, eskola garaian. Gaur egun garai hartako museoa da.

Herritar ezagunak

• Johann Sebastian Bach (1685-1750), barroko garaiko musikari eta konposatzailea

Hiri senidetuak

Eisenach ndorengo hiriekin senidetua dago:

• Marburg (Alemania)
• Sedan (Ardenak) (Frantzia)
• Waverly (Iowa) (AEB)
• Skanderborg (Danimarka)
• Mahiliou (Bielorrusia)

Ikus, gainera

• Turingia

Kanpo loturak

• Eisenachen webgunea
• Eisenachen Infotainment-Magazine "diggla"