Ekialdeko Berlin
|
Ekialdeko Berlin |
|||||||
|---|---|---|---|---|---|---|---|
| 1949 – 1990
Aliatuek okupatutako Alemaniako eremua Ekialdeko Alemania Alemaniako Errepublika Demokratikoa |
|||||||
|
|||||||
 Berlingo okupatutako lau eremuak. Gorriz Ekialdeko Berlin adierazita dago. 1987an finkatuta zeuden barrutiak. |
|||||||
| Ezarpena | 1949 | ||||||
| Birbateratzea | 1990eko urriaren 3a | ||||||
|
|||||||
.svg)
.svg)
.svg){kind=small}
Ekialdeko Berlin (alemanieraz: Ost-Berlin) Munduko Bigarren Gerraren amaieratik (1945) Sovietar Batasunaren menpean zegoen Berlingo zatia zen. Beranduago Alemaniako Errepublika Demokratikoaren (AED) hiriburu izango zen. AEDren hiritarrek Berlin deitzen zuten.
Eduki-taula |
[aldatu] Historia
1961tik 1989ra, Berlingo harresiak banatzen zuen Mendebaldeko Berlinetik. 1990an, harresiak burutzen zuen banaketa desegin eta Berlin osoa Alemaniako hiriburu izatera pasa zen Alemaniako batzea gauzatuz. Sortaldeko Berlin Spree ibaiko uhartetik Pankow (Gobernuaren egoitza), Weissensee, Lichtenberger, Treptow, Köpenick eta Schönefeld (aireportua) aldirietara hedatzen zen. Bi hiribide nagusi:Unter den Linden berritua eta Karl Marx Allee berria, garai hartako estilo estalinistaren moldeei jarraituz egin zena. Alexanderplatz ospetsua, erabat berritu zen, irizpide modernisten arabera.
[aldatu] Kultura
Bigarren Mundu Gerrako bonbardaketek ukitu ez zituzten eraikuntza gehienak Linden-Forum auzoan daude. Sankt Edwige katedrala (1747-1773), Santa Maria eliza eta Opera Nazionala dira aipagarrienak. Eraikuntza moderno ugari: telebista dorrea (250 m), Interhotel Stadt Berlin, Alexanderplatz, etab. Sortaldeko Berlin oso industriagune garrantzitsua da (siderurgia, metalurgia, mekanika eta elektrizitate industriak, kimika industriak, janari industria). Unibertsitate garrantzizkoa (Humboldt unibertsitatea), opera, antzerkia (Brecht-ek sortu zuen Berliner Ensemble ospetsua bereziki) eta museo aberatsak Museoen uhartea delakoan: Galeria Nazionala (XX. mendeko margolanak) eta Pergamoko Museoa (antzinateko bilduma guztiz baliotsuak: Mesopotamiako, Greziako, Egiptoko eta abarreko artea.
[aldatu] Ekialdeko Berlingo barrutiak
Ekialdeko Berlin hamaika zati edo barrutitan banatua zegoen:
- Friedrichshain
- Hellersdorf (1986tik 1990ra)
- Hohenschönhausen (1985tik 1990ra)
- Köpenick
- Lichtenberg
- Marzahn (1979tik 1990ra)
- Mitte
- Pankow
- Prenzlauer Berg
- Treptow
- Weißensee (1985tik 1990ra)
[aldatu] Iruditegia
-
Marx-engels enparantza
-
Ekialdeko Berlin osatzen zuten barrutiak arrosaz adierazita
-
Herriaren Antzokia, Rosa-Luxemburg enparantza
-
Horma-irudia Leipziger Straße kalean
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
