El Caso

El Caso
Mota	Gertakariak eta albiste bitxiak
Fitxa teknikoa
Hizkuntza	gaztelania
Argitaratze lekua	Madril
Banaketa
Banatze-eremua	Espainia
Maiztasuna	astero
Salneurria	2 pezeta
Historia
Ideologia	Sentsazionalismoa
Sortzailea	Eugenio Suárez Gómez (en)
Identifikadoreak
ISSN	2486-9465 eta 9968-1099

El Caso Espainian astero argitaratu ohi zen aldizkari bat izan zen. Lehebiziko alea 1952ko maiatzaren 11an agitaratu zuen, azkena aldiz 1997. urtean. Aldizkari honen ezaugarri nagusia bere albisteen artean nagusiki gerraondo garaian jazo ohi ziren gertakari tragiko, krimenak eta gizarte eskandaluak argitaratzea eta gai horietan espezializatua egotea zen. Honela, aldizkaria Espainian nahiz Hego Euskal Herrian ere oso ospetsu bilakatu zen, aldizkari hau gertakari bitxiei estuki lotu zelarik. Aldizkari honen azken zuzendaria José Manuel Bretones almeriarra izan zen.

Diario Madrid egunkariko kazetariek sortu eta lehenbiziko alea 2 pezetako salneurrian kaleratu zen, hasierako 10.000 aleetako argitarapena burutu zelarik, ondoren eta apika 100.000 aleetako argitarapenetara ere ailegatu izan zelarik. Atezainen egunkaria izenez ere ("Diario de las porteras") ezaguna egin zen, 1950ko hamarkadan Esku moztuaren kasua edota José María Jarabo Pérez Morrisen kasuarekin milioi erdi ale argitaratzea ere iritsi zelarik, hauek berehala saldu zirelarik.

El Luteri buruzko aleekin lortutako arrakastaren ondoren, jada 1970eko hamarkadan eta diktadura frankistaren amaiera eta telebista etxebizitza gehienetan sartuz zihoalarik, El Caso aldizkariak argitarapen bakoitzeko ale kopurua murrizten joan zen, azkenik 1997an behin betiko itxi egin zutelarik. Antzina Espainiar gizartean oso bakanak ziren albiste tragiko eta eskandaluak biderkatuz joan ziren einean, egunkariek ere albiste serio edo ohikoetatik at ere El Caso aldizkariak argitaratu ohi zituen albiste motak ere argitaratzen hasi ziren.