El Corte Ingles BanderaPortugaleten jokatzen den estropada famatua da. TKE Ligako eta denboraldiko azken bandera izaten da eta bertan jokatzen dira igoera eta jeitsierako play-offak ere. Kaiku eta Orio dira garaipen gehien lortu dituzten elkarteak, hamaika eta hamar hurrenez hurren.
1971ean hasi zen jokatzen eta hasieran traineru bizkaitarrek bakarrik hartzen zuten parte, Gipuzkoa edo Kantabriako traineruak gonbidatzen zirelarik 4 traineruko taldea osatu ahal izateko. 1975ean hasi zen Sari Handia jokatzen. 1976an Nerbioiko Sari Handiaren ondorengo asteburuan jokatu zen eta horrela jarraitu du denboraldiko azken bandera izaten.
El Corte Ingles Bandera jokatzeko denboraldian zehar izandako estropadetan puntuak eskuratzen ziren eta lau traineru onenek hartzen zuten parte Regata Monstruo esaten zitzaionean. Bi jardunalditara jokatu izan da 2003an TKE Ligan sartu zen arte. Ordutik aurrera jardunaldi bakarra izaten da eta Ligako azken jardunaldia hain zuzen ere. Banderaren lehia hasi aurretik gizonezkoen eta emakumezkoen play-offak jokatzen dira.
1977 eta 2002 artean traineru bizkaitarren promoziorako bandera jokatzen zen Bandera nagusia hasi aurreko txandan. Bertan El Corte Ingles banderara sartu ez ziren traineru bizkaitar onenak aritu ziren.
Kaiku (11)
Datuak: Q12256632