Elduain

Elduain
Gipuzkoa
Izen ofiziala	Elduain
Estatua Erkidegoa Lurralde Historikoa Eskualdea	Espainia Euskal Autonomia Erkidegoa Gipuzkoa Tolosaldea
Alkatea	Iñigo Etxebeste Ansa (Bildu)
Herritarra	elduaindar
Koordenatuak	43°8′25″N 2°0′2″W
Eremua	25,07 km2
Garaiera	256 m
Distantzia	32 km Donostiara
Posta kodea	20493
Biztanleria	236 bizt. (2008)
Dentsitatea	9,41 bizt./km²
Sorrera	1614
http://www.elduain.com/

Elduain (lehenago Elduayen deitua) Gipuzkoako ekialdean dagoen udalerri txikia da, Tolosaldea eskualdekoa.

25,2 km²ko azalera du eta 2008an 236 biztanle zituen.

UEMAko kidea da.

Mugakideak

• Iparraldean: Hernani, Urnieta eta Andoain
• Hegoaldean: Berastegi, Gaztelu
• Ekialdean: Goizueta
• Mendebaldean: Berrobi eta Belauntza

Errepideak

GI-2130 errepideak Elduain,Berrobi eta Berastegi udalerriak zeharkatzen ditu. Berastegi igaro ondoren AP-15 autobidearekiko lotunea dago.

Historia

1374tik 1614ra Tolosari lotuta egon zen.1848an, berriz, Berastegitik banandu zen.

Ondarea

Megalitikoa

Onyi-Mandoegi eta Belabietako inguruetan aztarna megalitiko ugari daude: Altxista, Basaburu, Belabieta Txiki, Loa eta Otsolepo trikuharriak, Altxista, Etzela, Etzela Oeste eta Etzelako Arritxuruak harrespilak eta Etzelako txokoa, Loa I eta Moa tumulua, hain zuzen ere.

Erlijioso eta zibila

Alde batetik, Santa Katalina parrokia eta Santa Kruz baseliza, eta bestetik, Erretoretxea, Olamiako ola, Sorregieta dorretxea, Ugarango errota eta Inturi, Olloki-Haundi, Errementari, Allanegi, Sarobe, Garro, Ezpeleta, Txapitela, Kapañenea, Olaondo-txiki, Intzenea, Goienetxe eta Elutse baserriak aipatzekoak dira. Arretxe baserria monumentu izendatua dago.

Hauteskundeak

2007ko udal hauteskundeetan PPk alkatetza lortu zuen boto bakar batekin,Eusko Abertzale Ekintzak aurkezturiko zerrenda Espainiako auzitegi nazionalak baliogabetu ondoren.

Ezker abertzaleak baliogabeko 83 boto lortu zituen.Orduan, alderdi Popularrak herriko karguak utzi eta herrikide batzuek eratutako gestora batek hartu zuen agintea udalean.

Biztanleriaren bilakaera

Elduaindar ospetsuak

• Manuel Ignazio Santa Kruz Loidi, Santa Kruz apaiza (1842-1926), apaiza eta Hirugarren Gerra Karlistako gerrillari ospetsua.
• Antonio Amundarain (1885-1954), antzerkigilea.
• Miguel Soroa (1926-2008), pilotaria.
• Jaime Otamendi (1967-), irrati esataria.

2013az geroztik Herbehereetako erregina den Maxima Zorreguietaren familiak, aitaren aldetik, Elduainen du jatorria, Sorregieta baserrian zehazki.

Ikus, gainera

• Gipuzkoako udalerrien zerrenda

Kanpo loturak

• (Euskaraz)(Gaztelaniaz) Elduaingo udalaren webgunea.