Eliseo Gil

Eliseo Gil Zubillaga (Gasteiz, Araba, 1961 -) arabar ikertzailea da.

Biografia

Geografia eta Historian lizentziaduna EHUn. Indusketa- eta ikerketa-proiektuak zuzendu ditu Euskal Herriko arkeologia-gune zenbaitetan: Atxa (Gasteiz), Albeiurmendi (Durruma Donemiliaga) eta Iruña-Veleia (Iruña Oka).

Eusko Ikaskuntzaren Arabako lehendakariorde aukeratu zuten 1993an, eta kargu horretan aritu zen 1996 bitartean. 1997tik aurrera Eusko Ikaskuntzako idazkariorde da.

Jakitez programan irakasle da. Onda Cero eta Radio Vitoria irratietan Eusko Ikaskuntzak egiten duen irrati-saioaren koordinatzailea da. Hainbat lan argitaratu ditu.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.