Emanuel II.a Paleologoa

Wikipedia(e)tik
Hona jo: nabigazioa, Bilatu
Emanuel II.a Paleologoa

Emanuel II.a Paleologoa (grekoz, Μανουήλ Β΄ Παλαιολόγος, Manouēl ho déyteros Palaiologos; Konstantinopla, 1350 - Konstantinopla, 1425) soldadu, estatuburu, eta 1391tik 1425ra arte enperadore bizantziarra izan zen.

Joan V.a Paleologoa enperadorearen eta bere emazte Helena Kantakouzene-ren bigarren semea zen.

Aitak despota izendatuta, Emanuel II.a izango zenak mendebaldera bidaiatu zuen, 1365ean eta 1370ean, Bizantziar Inperioarentzat laguntza bila. Tesalonikako gobernadore zen 1369tik aurrera.

1373an izendatu zuten erregetzarako oinordeko, haren anaia zaharrena Androniko IV.a Paleologoak aitaren aurkako matxinada egin ondoren. Aitaren enperadorekide izendatu zuten 1373an, eta, 1379an, aitari Konstantinopla eta tronua —Andronikok 1376an hartu zuena— berreskuratzen lagundu zion.

Txanpona, Emanuel II.aren irudiarekin

Joan V.ak eta Emanuelek tronua berreskuratu zuten turkiarren laguntzarekin, eta sultanari zerga ordaindu eta laguntza militarra eman beharrean aurkitu ziren. 1390ean, Joan VIII.a Paleologoa, Andronikoren semea, Konstantinoplaz eta tronuaz jabetu zen, baina turkiarrek berriz ere Emanueli eta bere aitari haiek berreskuratzen lagundu zioten. Emanuelek Bayezid I.a sultanaren gortean bizi behar izan zuen, meneko basailu gisa. Aita hil zenean, 1391n, Konstantinoplara ihes egin zuen.

1391n izendatu zuten enperadore Emanuel II.a Paleologoa izenarekin.

Emanuelek bake-hitzarmen bat antolatu zuen Beyazid-en ondorengo zen Mehmet I.arekin, horrela Tesalonika (gaur egungo Salonika) eskuratu eta zergak ordaintzeari amaiera emateko. Bakezko harremanek 1421era arte iraun zuten, Mehmet hil zen arte; Emanuelek estatu-gaiak alde batera utzi zituen, bere interes erlijioso eta literarioak lortzeko lanei ekiteko. Emanuel II.a, hitzarmen iraingarri bat sinatzera behartua izan ondoren, monasterio batera erretiratu zen; 1425ean hil zen.

Ezkontza eta seme-alabak[aldatu | aldatu iturburu kodea]

Emanuel II.a gizon heldua zela ezkondu zen Helena Dragas-ekin, Konstantino Dragas printze serbiarraren alabarekin, eta zazpi seme izan zituzten. Bosgarren semea, Konstantino XI.a Paleologoa, Bizantziar Inperioko azken enperadorea izan zen.

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Emanuel II.a Paleologoa Aldatu lotura Wikidatan