Emmanuel Swedenborg
Emmanuel Swedenborg (Stockholm, 1688ko urtarrilaren 29a - Londres, 1772ko martxoaren 29a) Suediar mistikoa, filosofoa eta zientzialaria izan zen. Urte askotan idatzi zuen zientzia gaiez. Kristalografiaren hastapenak ezarri zituen eta geologiaren aurrerabidea bultzatu zuen. Meditazioan murgildu zen eta Bibliaren interpretazioa egiten ahalegindu zen. Sekta berezietan antolatu ziren ikasle ugari izan zituen, Ingalaterran batez ere, Jerusalem Berriko Eliza izena hartu zutenak. Lan aipagarriak ditu: Principia rerum Naturalium (1734); Regnum animale (1744-1745); Arcana Cœlestia (1747-1758); Vera Christiana Religio (1771).
Erreferentziak
 |
Wikimedia Commonsen badira fitxategi gehiago, gai hau dutenak: Emmanuel Swedenborg  |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.